އެމެޒޯންގެ ބާނީ އަދި އެގްޒެކެޓިވް ޗެއާ ޖެފް ބެޒޯސްގެ ހިއްސާ ރެކޯޑް މިންވަރަކަށް މައްޗަށް ދިއުމާ ގުޅިގެން އެ ކުންފުނީގެ ގާތްގަނޑަކަށް ފަސް ބިލިއަން ޑޮލަރުގެ ހިއްސާ ވިއްކާލަން ނިންމާފައިވާ ކަމަށް ރެގިއުލޭޓަރީ ފައިލިންއަކުން ދައްކައިފި އެވެ.
އެމެޒޯންގެ 25 މިލިއަން ހިއްސާ ވިއްކުމަށް ހުށަހަޅާފައިވާ ކަން ހާމަކޮށްފައިވަނީ މިދިޔަ އަންގާރަ ދުވަހު މާކެޓް ގަޑިއަށް ފަހު ހުށަހެޅި ނޯޓިސްގަ އެވެ. މި ސެޝަންގައި ހިއްސާއެއްގެ އަގު ވަނީ 200.43 ޑޮލަރަށް އަރާފައެވެ. މިއަހަރުގެ މިހާތަނަށް ހިއްސާއެއްގެ އަގު 30 އިންސައްތައަށްވުރެ މައްޗަށް ގޮސްފައިވާއިރު، މިއީ ޑައު ޖޯންސް އިންޑަސްޓްރިއަލް އެވްރެޖް އިންޑެކްސްގެ 4 އިންސައްތައިގެ ކުރިއެރުމެކެވެ.
ހިއްސާ ވިއްކުމުގެ ޕްލޭނަށް ފަހު ބެޒޯސްގެ މިލްކިއްޔާތުގައި އެމެޒޯންގެ ގާތްގަނޑަކަށް 912 މިލިއަން ހިއްސާ ނުވަތަ އައުޓްސްޓޭންޑިން ސްޓޮކްގެ 8.8 ޕަސެންޓް ހިއްސާ އޮންނާނެ އެވެ.
2023 ވަނަ އަހަރު ސްޓޮކް 80 ޕަސެންޓް އުފުލުމަށްފަހު، ފެބްރުއަރީ މަހު އޭނާ ވަނީ ގާތްގަނޑަކަށް 8.5 ބިލިއަން ޑޮލަރުގެ ހިއްސާ ވިއްކާލާފަ އެވެ.
ދުނިޔޭގެ ދެވަނައަށް އެންމެ މުއްސަނދި މީހާގެ ލިސްޓުގައި ބެޒޯސް ހިމެނިފައިވަނީ 214.4 ބިލިއަން ޑޮލަރާ އެކު ކަމަށް ފޯބްސް އިން ބުނެއެވެ. އޭނާ އަކީ މިދިޔަ މެއި މަހު ޖައްވަށް ހަ މީހުންގެ ފަޅުވެރިއަކު ފޮނުވި ޖައްވީ ކުންފުނި ބްލޫ އޮރިޖިންގެ ބާނީ ވެސް މެއެވެ.
