2024 ވަނަ އަހަރުގެ ރިޔާސީ އިންތިހާބާ ދިމާކޮށް އެމެރިކާގެ ސިޔާސީ މަސްރަހާ ބެހޭ ގޮތުން ޕޯލަރައިޒް ކޮންޓެންޓް ފެތުރުމުގެ މަގްސަދުގައި ޗައިނާގެ ނުފޫޒު ގަދަ ކެމްޕެއިނުގައި ބައިވެރިވި ގާތްގަނޑަކަށް 4،800 ފޭކް އެކައުންޓް މެޓާ އިން ނައްތާލާފައިވާ ކަމަށް އެ ކުންފުނިން ބުނެފި އެވެ.
މި އިންފްލުއެންސް އޮޕަރޭޝަނަކީ 2023 ވަނަ އަހަރުގެ ތިންވަނަ ކުއާޓަރުގައި ފޭސްބުކާއި އިންސްޓަގްރާމް ހިންގާ މެޓާއިން ފެނުނު ޗައިނާގެ ދެ ކެމްޕެއިންގެ ތެރެއިން އެއް ކެމްޕޭން ކަމަށް އެ ޓެކްނޮލޮޖީން ބުރާސްފަތި ދުވަހު ނެރުނު އެންމެ ފަހުގެ ތްރެޓް އެޑްވާސަރަލް ރިޕޯޓުގައި ބުނެފައިވެ އެވެ.
"މި ހަރަކާތުގެ ފަހަތުގައި ތިބި މީހުން އިނގިރޭސި ބަހުން އެމެރިކާގެ ސިޔާސީ ކަންކަމާއި އެމެރިކާ-ޗައިނާގެ ގުޅުމާ ބެހޭ ގޮތުން ޕޯސްޓުކުރި. ހަމަ އެ އެކައުންޓްތަކުން އެމެރިކާގެ ސިޔާސީ މައިދާނުގައި ދެ ފަރާތަށް ވެސް ފާޑުކިޔާނީ އެކްސްގައި ތިބި މީހުންގެ ކޮޕީ-ޕޭސްޓްކޮށްފައިވާ ޕާޓިޝަން ކޮންޓެންޓް ކަމަށް ފެންނަ އެއްޗެއް ބޭނުންކޮށްގެން،" މެޓާ އިން ބުނެފައިވެ އެވެ.
މެޓާ އިން ބުނީ އެކައުންޓްތަކުގެ ނެޓްވޯކް ނެގީ ލިބަރަލް އަދި ކޮންޒަވޭޓިވް ދެ ވަސީލަތްތަކުން ކަމަށާއި ސިޔާސީ ފަރާތްތަކާއި ނިއުސް އައުޓްލެޓްތަކުގެ ހަގީގީ ޕޯސްޓްތައް ފޭކް އައިޑެންޓިޓީގެ ދަށުން ރީޝެއާ ކުރާ ކަމަށެވެ.
ޓެކް ފާމުން ބުނީ މި ވިސްނުމަކީ ޕާޓިޝަނަލް ނުތަނަވަސްކަން އިތުރުކޮށް، މި ސިޔާސީ ފަރާތްތަކުގެ ސަޕޯޓަރުންގެ މެދުގައި އޯޑިއަންސް އުފައްދަން ނުވަތަ ސައްހަ ކޮންޓެންޓް ހިއްސާކުރާ ފޭކް އެކައުންޓްތައް އިތުރަށް ސައްހަ ކަމަށް ދެއްކުމަށް ހަދާފައިވާ ވިސްނުމެއް ކަމެއް ނޭނގޭ ކަމަށެވެ.
މިއާ ވިދިގެން މެޓާ އިން ބުނީ ޗައިނާގައި ހިންގާ ފަސް ނުފޫޒު ކެމްޕެއިނަށް މިއަހަރު ހުރަސް އެޅި ކަމަށެވެ. މެޓާއިން މި ނެޓްވޯކް ޗައިނާ ސަރުކާރަށް ނުވަތަ ޗައިނާގައި ތިބި އެހެން ވަކި ފަރުދަކަށް ނުވަތަ ޖަމާއަތަކަށް ނިސްބަތްކޮށްފައެއް ނުވެއެވެ.
ތިން ވަނަ ކުއާޓަރުގައި ރަޝިއާގައި ހުންނަ ނެޓްވޯކެއް ވެސް ބަންދުކޮށް، ރަޝިއާއިން ޔޫކްރެއިންއަށް އަރައިގަތުމާ ބެހޭ ގޮތުން ކޮންޓެންޓް ފެތުރުމާއި ފޭކް "މީޑިއާ" ބްރޭންޑްތައް ހިންގާފައިވާ ކަމަށް ޓެކް ކުންފުނިން ބުނެފައި ވެއެވެ.
މެޓާއިން މި ރިޕޯޓް ކޮށްފައި މިވަނީ 2024 ވަނަ އަހަރުގެ ރިޔާސީ އިންތިޚާބާ ދިމާކޮށް ފޭސްބުކް އަދި އެކްސް ފަދަ ޓެކް ޕްލެޓްފޯމްތައް ބޭނުންކޮށްގެން ބައިބައިވުން އުފައްދައި ފިތުނަ ފަސާދަ އުފައްދައިފާނެ ކަމުގެ ބިރު ހީވެފައިވާ ދަނޑިވަޅެއްގައެވެ.
އެމެރިކާގެ ޑިޕާޓްމަންޓް އޮފް ހޯމްލޭންޑް ސެކިއުރިޓީން މިދިޔަ ސެޕްޓެމްބަރު މަހު އިންޒާރު ދީފައި ވަނީ ބޭރުގެ ކާރިސާތަކުން އާޓިފިޝަލް އިންޓެލިޖެންސް ފަދަ އާ ޓެކްނޮލޮޖީތައް ބޭނުންކޮށްގެން "އެމީހުންގެ ސަރުކާރުގެ މުއައްސަސާތަކާއި އިޖުތިމާއީ އެއްބައިވަންތަކަމާއި ޑިމޮކްރެޓިކް މަރުހަލާތަކަށް ކުރާ އިތުބާރު ގެއްލޭ" ކަމަށެވެ.
އެމެރިކާގެ ސެނެޓާއި ސްޕެޝަލް ކައުންސެލް ރިޕޯޓްތަކުން ދައްކާ ގޮތުގައި 2016 ވަނަ އަހަރުގެ ރިޔާސީ އިންތިހާބަށް ނުފޫޒު ފޯރުވުމަށް ރަޝިއާއިން ކުރަމުންދާ މަސައްކަތުގެ ތެރެއިން އެމެރިކާގައި ބައިބައިވުން އުފައްދަން ސޯޝަލް މީޑިއާ ބޭނުންކޮށްފައި ވެއެވެ.
