ނޭޕާލްގެ ވެރިރަށް ކަތުމަންޑޫގައި ހިނގި އަނިޔާވެރި މުޒާހަރާތަކާ ގުޅިގެން އެ ގައުމުގެ ޓްރިބުވަން އިންޓަނޭޝަނަލް އެއަރޕޯޓް ބަންދުކޮށްފިއެވެ. މި މުޒާހަރާތަކުގައި 19 މީހުން މަރުވުމާ ގުޅިގެން ސަލާމަތީ ބާރުތަކުގެ ބެލުމުގެ ދަށަށް ވެރިރަށް ގެންގޮސްފައިވެއެވެ.
ސޯޝަލް މީޑިއާ ބޭނުންކުރުން މަނާކުރުމާ ގުޅިގެން ފެށުނު މުޒާހަރާތައް ވަނީ ސަރުކާރާ ދެކޮޅު ބޮޑު އިހުތިޖާޖަކަށް ބަދަލުވެފައެވެ. މުޒާހަރާތަކުގައި ބައިވެރިވި ޒުވާނުން ވަނީ ސަރުކާރުގެ އިމާރާތްތަކަށް ވަދެ، ޕާލިމެންޓް އިމާރާތާއި ސިޔާސީ ލީޑަރުންގެ ގެތަކަށް އަލިފާން ރޯކޮށްފައެވެ.
މުޒާހަރާތަކާ ގުޅިގެން ވަޒީރުންގެ ވެރިޔާ ކޭ.ޕީ ޝަރުމާ އޯލީ ވަނީ މަޤާމުން އިސްތިއުފާ ދީފައެވެ. އަދި ސަރުކާރުން ވަނީ ސޯޝަލް މީޑިއާ ބޭނުންކުރުން މަނާކުރި މަނާކުރުން ވެސް ނަގާލާފައެވެ. އިންޑިއާ ސަރުކާރުން ވަނީ އެ ގައުމުގެ ރައްޔިތުންނަށް ގޭތެރޭގައި މަޑުކުރުމަށް އިރުޝާދު ދީފައެވެ.
ޗައިނާ ސަރުކާރުން ވެސް ވަނީ އެ ގައުމުގެ ރައްޔިތުންނަށް ނޭޕާލްގައި ރައްކާތެރިކަމަށް ސަމާލުވުމަށް އިރުޝާދު ދީފައެވެ. އަދި ނޭޕާލްގެ ހުރިހާ ފަރާތްތަކަށް ވެސް މި މައްސަލަ ހައްލުކޮށް، އަވަހަށް އިޖުތިމާއީ އަމާންކަން އަނބުރާ ގެނައުމަށް ގޮވާލާފައިވެއެވެ.
ނޭޕާލް ސިފައިން މިހާރު ވަނީ ވެރިރަށުގެ ސަލާމަތީ ކަންކަން ބެލެހެއްޓުން ބާރުގެ ދަށަށް ގެނެސްފައެވެ. އަދި ހަވީރު 5 އިން ފެށިގެން ފަތިހު 6 އަށް ކާފިއު އިއުލާންކޮށް، އާންމުންނަށް މަގުމައްޗަށް ނުކުތުން މަނާކޮށްފައިވެއެވެ. އާމީން ވަނީ ލައުޑްސްޕީކަރު މެދުވެރިކޮށް އާންމުންނަށް އަމާންކަން ދެމެހެއްޓުމަށް އިލްތިމާސްކޮށްފައެވެ.
