އިސްރާއީލުން ހިފާފައިވާ ހުޅަނގު އައްސޭރީގެ ރަމަاللهގެ އުތުރުގައި އޮންނަ ޖަލަޒޯން ރެފިއުޖީ ކޭމްޕް ކައިރީގައި އިސްރާއީލު ސިފައިން ބަޑިޖަހައި ޒަހަމްކޮށްލި ފަލަސްތީނުގެ 13 އަހަރުގެ މުހައްމަދު ޚާލިދު ޒައިދު ރޭ ޝަހީދުވެެފައިވާ ކަމަށް މެޑިކަލް އޮފިޝަލުން ބުނެފި އެވެ.
ފަލަސްތީނުގެ ރެޑް ކްރެސެންޓް ސޮސައިޓީން ރިޕޯޓްކޮށްފައިވާ ގޮތުގައި ޖަލަޒޮން ރެފިއުޖީ ކޭމްޕް ކައިރީގައި ބަޑިޖެހުމުގެ ސަބަބުން އެ ކުއްޖާގެ ބުރަކަށީގައި ވަރަށް ބޮޑަށް ވަނީ ޒަހަމްވެފައެވެ. ޒަހަމްވި ކުއްޖާ ރާމަالله ޕަބްލިކް ހޮސްޕިޓަލަށް ގެންދިއުމުގެ ކުރިން އޭނާގެ ކާޑިއޯޕަލްމޮނަރީ ރިސަސިޓޭޝަން ހެދުމުގެ މަސައްކަތް ވެސް ވަނީ ކޮށްފައެެވެ.
އިޒްރޭލު ސިފައިން އެ ކުއްޖާއާ ދިމާލަށް ބަޑި ޖަހާފައި ވަނީ ބެއިޓް އެލް ކޮލޯނިއަލް އާބާދީއާ ޖެހިގެން އޮންނަ އިސްރާއީލުގެ ސެގްރިގޭޝަން ފާރު ކައިރީގައި އުޅެނިކޮށެވެ. މި ހާދިސާގެ މައުލޫމާތު އަސްކަރިއްޔާއިން ފަލަސްތީނުގެ އެމްބިއުލާންސްގެ ހިދުމަތާ ރިޕޯޓް ކުރީ ގާތްގަނޑަކަށް ގަޑިއެއްހާއިރު ވަންދެން ޒައިދު ލޭ އޮހޮރުވާން ބޭއްވުމަށް ފަހުގައެވެ.
ޒައިދުގެ ހާލު ސީރިއަސްވެ ރާމަالله ޕަބްލިކް ހޮސްޕިޓަލަށް ގެންދިޔަފަހުން، ފަހުން ޑޮކްޓަރުން ވަނީ އޭނާ ޝަހީދުވެފައިވާ ކަމަށް ބުނެފަ އެވެ.
