ޣައްޒާގައި މުވާސަލާތީ ހިދުމަތްތައް މެދުކަނޑާލިތާ ހަ ދުވަސްވެފައިވާ ކަމަށް އދގެ ހިއުމެނިޓޭރިއަން އެޖެންސީ (އޯސީއެޗްއޭ) ނެރުނު އެންމެ ފަހުގެ އަޕްޑޭޓްގައި ބުނެފި އެވެ.
ޓެލެކޮމިއުނިކޭޝަން ބްލެކްއައުޓްގެ ސަބަބުން އދ.ގެ އެންމެ ފަހުގެ ރިޕޯޓުގައި ހިމަނާ އާ މައުލޫމާތުތައް ލިމިޓްކޮށް، އިންސާނީ ޙާލަތު ރަނގަޅަށް ރިޕޯޓްކުރުމުގެ ޤާބިލުކަން އދ.ގެ އިދާރާއަށް ހުއްޓިފައިވާކަމަށް އެ ޖަމިއްޔާއިން ބުނެއެވެ.
ޣައްޒާގެ ސިއްހަތާ ބެހޭ ވުޒާރާއިން ރިޕޯޓްކޮށްފައިވާ ގޮތުގައި ޖެނުއަރީ މަހުގެ 17 ވަނަ ދުވަހުން ފެށިގެން 18 ވަނަ ދުވަހުގެ މެންދުރުގެ ނިޔަލަށް ފަލަސްތީނުގެ 172 މީހުން ޝަހީދުވެ، އިތުރު 326 މީހުން ޒަޚަމްވެފައިވެއެވެ.
އަދި ޣައްޒާގައި ބޯފެނާއި އެތެރޭގެ ބޭނުންތަކަށް ބޭނުންވާ ފެން ލިބެން ހުންނަ މިންވަރު ކޮންމެ ދުވަހަކު ވެސް މަދުވަމުންދާއިރު، އިޒްރޭލުގެ ތިން ފެނުގެ ސަޕްލައި ލައިންގެ ތެރެއިން މަސައްކަތް ކުރަނީ އެންމެ ލައިނެއް ކަން ވެސް އޯސީއެޗްއޭ އިން ވަނީ ފާހަގަކޮށްފަ އެވެ.
އޯސީއެޗްއޭ އިން ބުނީ ޖެނުއަރީ މަހުގެ ފުރަތަމަ ދެ ހަފުތާގައި ޣައްޒާގެ އުތުރުގެ ސަރަހައްދުތަކަށް ފުރާނަ ސަލާމަތް ކުރުމަށް ބޭނުންވާ އެހީ ފޯރުކޮށްދިނުމަށް ރާވާފައިވާ 29 އިންސާނީ މިޝަންގެ ތެރެއިން ނިމިފައިވަނީ އެންމެ ހަތް މިޝަން ކަމަށާއި އިޒްރޭލުގެ ކަމާބެހޭ ފަރާތްތަކުން 76 އިންސައްތަ އިންސާނިއްޔަތަށް ވަނުމަށް ހުރަސް އަޅާފައިވާ ކަމަށެވެ.
