މި ހަމަނުޖެހުންތަކާ ގުޅިގެން ރާއްޖެއިން ފުރަން ދިޔަ ގާތްގަނޑަކަށް 1,400 އެއްހާ ފަތުރުވެރިންގެ ފްލައިޓްތައް ކެންސަލްވެ، އެ ފަރާތްތައް ވަނީ އެއާޕޯޓުގައި ތާށިވެފައެވެ.
ފްލައިޓްތައް ކެންސަލްވުމުގެ ސަބަބުން ނުފުރިފައި ތިބި ފަތުރުވެރިންނަށް އެއާޕޯޓުގައި ފަސޭހައިން ތިބެވޭނެ އިންތިޒާމުތައް ސަރުކާރުން މިހާރު ވަނީ ހަމަޖައްސާފައެވެ. ފަތުރުވެރިކަމާ ބެހޭ ވަޒީރު ވަޒީރު ތޯރިގް އިބްރާހިމް ރޭ އެއާޕޯޓަށް ވަޑައިގެން ވިދާޅުވީ، އެމްއޭސީއެލް މެދުވެރިކޮށް ކުރީގެ ޑޮމެސްޓިކް ޓާމިނަލާއި، ރެސްޓޯރެންޓް ސަރަހައްދުގެ އޭސީ ބައި ފަތުރުވެރިން މަޑުކޮށްލައިގެން ތިބުމަށް ހާއްސަކޮށްފައިވާ ކަމަށެވެ. މީގެ އިތުރުން ކުރީގެ އައިލެންޑް އޭވިއޭޝަން ލައުންޖުވެސް އާއިލާތަކަށް ބޭނުންކުރެވޭނެ ގޮތަށް ތައްޔާރުކުރަމުންދާ ކަމަށް ވަޒީރު ވިދާޅުވިއެވެ.
އެއާޕޯޓުގައި މަޑުކުރަން ޖެހިފައިވާ ފަތުރުވެރިންނަށް ބޭނުންވާނެ ރަޖާ އާއި ނިދަން ބޭނުންކުރާ ސާމާނު ފޯރުކޮށްދިނުމުގެ މަސައްކަތް އެމްއޭސީއެލް އިން ދަނީ ކުރަމުންނެވެ. މެދުއިރުމަތީގެ މަސްރަހު ހަލަބޮލިވެފައިވާތީ، ކުރިއަށް އޮތް ވަގުތުތަކުގައިވެސް ފްލައިޓްތަކަށް ބަދަލު އައުމަކީ އެކަށީގެންވާ ކަމެއް ކަމަށް ބެލެވެއެވެ. އެހެންކަމުން ދަތުރުވެރިން އެއާލައިންތަކުގެ އެންމެ ފަހުގެ މައުލޫމާތު ހޯދުމަށް ކަމާބެހޭ ފަރާތްތަކުން އިރުޝާދުދެއެވެ.
