ކުރިއަށް ރޯދަ މަސް އޮތުމަ އެކު މަޖިލީހުގެ މި އަހަރުގެ ފުރަތަމަ ދައުރު މި މަހުގެ ނިޔަލަށް ކުރުކޮށްލަން އިސްލާހެއް ހުށަހަޅައފި އެވެ.
މަޖިލީހުގެ ގަވާއިދަށް ބަދަލު ގެނައުމަށް އެދި އެ އިސްލާހު މިއަދުގެ މަޖިލިސް ޖަލްސާއަށް ހުށަހެޅުއްވީ މާފަންނު ދެކުނު ދާއިރާގެ ޕީއެންސީ މެންބަރު އަބްދުﷲ ރިފާއުއެވެ.
އިސްލާހުގައި ވާގޮތުން މަޖިލީހުގެ ފުރަތަމަ ދައުރު ކުރިއަށް ދާނީ ޖެނުއަރީ 1 އިން އެ މަހުގެ ނިޔަލަށެވެ. އަދި ދެވަނަ ދައުރު އޭޕްރިލް 1 އެއްވަނަ ދުވަހުން ފެށިގެން ޖުލައި މަހުގެ ނިޔަލަށް ކުރިއަށްދާ އިރު ތިންވަނަ ދައުރު ކުރިއަށް ދާނީ ސެޕްޓެމްބަރު 1 އިން ފެށިގެން ނޮވެމްބަރު މަހުގެ ނިޔަލަށްކަމަށް ބުނެފައިވެ އެވެ.
އާންމުކޮށް ރޯދަމަހު މަޖިލީހުގެ ޖަލްސާތައް ބޭއްވި ނަމަވެސް ޖަލްސާއެއްގެ ދިގުމިނަކީ ދެ ގަޑިއިރެވެ.
މި އިޞްލާޙު ފާސްވެއްޖެނަމަ، 2026 ވަނަ އަހަރުގެ ފުރަތަމަ ދައުރު ހިނގާނީ އެ އަހަރުގެ ފެބްރުވަރީ މަހުގެ ނިޔަލަށެވެ. އަދި އެ އަހަރުގެ ދެވަނަ އަދި ތިންވަނަ ދައުރު ހިނގާނީ އައު އިޞްލާޙާ އެއްގޮތަށެވެ.
