24 ވަނަ ގައުމީ ދުވަހުގެ ކޭމްޕްގައި ބައިވެރިވުމަށް ރާއްޖެ އަންނަ އިންޑިއާގެ ނޭޝަނަލް ކެޑޭޓް ކޯޕްސް (އެންސީސީ) ގެ ކެޑޭޓް ވަފުދާ އިންޑިއާ އިން ރާއްޖެއަށް ކަނޑައަޅާފައިވާ ސަފީރު ޖީ. ބަލަސުބްރަމާނިއަން ދާދި ފަހުން ބައްދަލުކުރައްވައިފި އެވެ. ޑިސެމްބަރު 26، 2024 އިން 2 ޖެނުއަރީ 2025 އަށް ކުރިއަށް ގެންދާ މި ހަރަކާތަކީ އިންޓަނޭޝަނަލް ކެޑޭޓް އެކްސްޗޭންޖް ޕްރޮގްރާމްގެ ދަށުން ކުރިއަށް ގެންދާ ހަރަކާތެކެވެ.
އިންޑިއާގެ ޒުވާނުން ތަމްސީލުކުރާ ވަފުދަށް އޮފިޝަލުން ހޫނު މަރުހަބާއެއް ކިޔާފައިވާއިރު، ދެ ގައުމުގެ ދެމެދުގައި އެކުވެރިކަމާއި ސަގާފީ މުއާމަލާތްތައް ބަދަހިކުރުމުގެ ގޮތުން ތަފާތު ހަރަކާތްތަކުގައި ބައިވެރިވުމަށް ވަނީ ހަމަޖެހިފަ އެވެ. މި ދަތުރުފުޅަކީ ޒުވާނުންގެ ލީޑަރޝިޕާއި ކޮމިއުނިޓީ އެންގޭޖްމަންޓްގެ ޙިއްޞާކުރެވިފައިވާ ތަޖުރިބާގެ ޒަރިއްޔާއިން ދެޤައުމުގެ ގުޅުން ބަދަހިކުރުމަށް އެޅުނު މުހިންމު ފިޔަވަޅެއް ކަމަށް އިންޑިއާ ހައިކޮމިޝަނުން ވަނީ ބުނެފައެވެ.
ރާއްޖޭގައި ކޮންމެ އަހަރަކު ބާއްވަމުން އަންނަ ގައުމީ ދުވަހުގެ ކޭމްޕުން އެކި ގައުމުތަކުގެ ކެޑޭޓުން އެއްތަނަކަށް އެއްވެ ޑިސިޕްލިން އާއި ހިދުމަތާއި ލީޑާޝިޕަށް ކުރާ މަސައްކަތް ފާހަގަކުރުމުގެ ފުރުސަތު ފަހިކޮށްދެ އެވެ.
މި އެކްސްޗޭންޖުގައި އިންޑިއާއާއި ރާއްޖެއާ ދެމެދު އޮތް ޒަމާންވީ ގާތް ގުޅުމުގެ މައްޗަށް އަލިއަޅުއްވާލައްވައި، މާދަމާގެ މުސްތަގުބަލުގެ ލީޑަރުން ބައްޓަންކުރުމުގައި ބައިނަލްއަޤްވާމީ އެއްބާރުލުން ދިނުމުގެ މުހިންމުކަމުގެ މައްޗަށް އަލިއަޅުއްވާލެއްވިއެވެ.
