ރައްޔިތުންގެ މަޖިލީހުން މިއަދު ފާސްކުރި ގާނޫނު އަސާސީގެ އިސްލާހުތައް ރައީސް ޑރ. މުހައްމަދު މުއިއްޒު ތަސްދީގުކުރައްވައިފިއެވެ. މި އިސްލާހުތަކުގެ ތެރޭގައި މެންބަރުންގެ ގޮނޑި ގެއްލުމާއި، ބޭރުގެ ސިފައިން ރާއްޖޭގައި ތިބުމާއި، ކަނޑުގެ ސަރަހައްދަށް ގެނެވޭ ބަދަލުތަކާއި، ގައުމީ ތަރައްގީގެ ޕްލޭނާ ގުޅޭ ކަންކަން ހިމެނެއެވެ.
މި އިސްލާހުތަކުގެ ދަށުން، ސިޔާސީ ޕާޓީއަކުން އިންތިހާބުވާ މެންބަރަކު އަމިއްލައަށް ޕާޓީން ވަކިވުމުން ނުވަތަ އެހެން ޕާޓީއަކަށް ބަދަލުވުމުން އެ މެންބަރެއްގެ ގޮނޑި ގެއްލޭނެއެވެ. އަދި ބޭރުގެ ސިފައިން ރާއްޖޭގައި އަސްކަރީ ބޭނުމަކަށް ހަރަކާތްތެރިވުމަށް ހުއްދަ ދެވޭނީ މަޖިލީހުގެ އަޣުލަބިއްޔަތުން ފާސްވެގެންނެވެ.
މީގެ އިތުރުން، ރާއްޖޭގެ ކަނޑުގެ ސަރަހައްދަށް އެއްވެސް ބަދަލެއް ގެނެވޭނީ މަޖިލީހުގެ ހަތަރުބައިކުޅަ ތިންބައިގެ އަޣުލަބިއްޔަތުންނެވެ. އަދި ރައީސުލްޖުމްހޫރިއްޔާގެ މަސްއޫލިއްޔަތުތަކުގެ ތެރެއަށް ގައުމީ ތަރައްގީގެ ޕްލޭންތައް އެކުލަވާލުން ވަނީ އިތުރުކުރެވިފައެވެ.
މި އިސްލާހުތައް ވަނީ މިހާރު ތަސްދީގުކުރެވި އަމަލުކުރަން ފަށާފައެވެ.
