މޯލްޑިވްސް މީޓިއޮރޮލޮޖިކަލް ސަރވިސް (މެޓް) އިން މިއަދު އުތުރުގެ އަތޮޅުތަކަށް ވައިޓް އެލާޓެއް ނެރެފިއެވެ. މިއީ މޫސުން ގޯސްވެ، ބޯކޮށް ވާރޭވެހި، ގުގުރާނެކަމަށް ލަފާކުރެވޭތީ ނެރެފައިވާ އެލާޓެކެވެ.
މެޓުން ބުނިގޮތުގައި މި އެލާޓް ދެމިއޮންނާނީ މިއަދު ހަވީރު 4:15 އިން ފެށިގެން މިރޭ 10:00 އާ ހަމައަށެވެ. މީގެ އިތުރުން، މެދުރާއްޖެތެރޭގެ ބައެއް ރަށްތަކަށް ކެރީގެ އަސަރު ކުރާނެ ކަމަށްވެސް މެޓުން ބުނެފައި ވެއެވެ.
މެޓް އޮފީހުން އިތުރަށް ބު8ނިގޮތުގައި ދެކުނުގެ އަތޮޅުތަކަށް ގަޑިއަކު 5 މޭލާއި 15 މޭލާ ދެމެދުގެ ބާރުމިނުގައި ވައިޖެހޭނެއެވެ. އެހެން ސަރަޙައްދުތަކަށް ގަޑިއަކު 8 މޭލާއި 18 މޭލާ ދެމެދުގެ ބާރުމިނުގައި ވައިޖެހޭނެއެވެ. އަދި ވިލާގަނޑުގައި ވައިގެ ބާރުމިން ގަޑިއަކު 35 މޭލަށް އަރާފާނެ ކަމަށްވެސް ބެލެވެއެވެ.
އަދި މެދުރާއްޖެތެރެ އާއި އުތުރުގެ އަތޮޅުތަކުގައި ރާޅުގެ އުސްމިން 3 ފޫޓާއި 5 ފޫޓާ ދެމެދުގައި ހުންނާނެ ކަމަށް ލަފާކުރެވެއެވެ.
މެޓުން ހާމަކުރިގޮތުގައި މިދިޔަ 24 ގަޑިއިރުގެ ތެރޭގައި އެންމެ ގިނައިން ވާރޭވެހުނީ ނ. މާފަރަށެވެ. އެއީ 55.7 މިލިމީޓަރުގެ ވާރޭއެވެ.
