އަނުރާ ކުމާރާ ދިސާނާޔަކެ ހޯމަ ދުވަހު ސްރީލަންކާގެ ރައީސްކަމުގެ ހުވާކުރައްވައިފިއެވެ.
55 އަހަރުގެ ދިސާނާޔަކެ، މާކްސިސްޓް ވިސްނުން ގެންގުޅޭ ނޭޝަނަލް ޕީޕަލްސް ޕަވަރ އިއްތިހާދުގެ އިސްވެރިޔާގެ ގޮތުގައި ކުރިމަތިލައްވައި، ހޮނިހިރު ދުވަހުގެ އިންތިޚާބުގައި ރައީސް ރަނިލް ވިކްރަމަސިންގެ އަދި އިދިކޮޅު ލީޑަރު ސަޖިތް ޕްރެމަދާސާ އަދި އިތުރު 35 ކެންޑިޑޭޓުން ބަލިކުރެއްވިއެވެ.
މި އިންތިޚާބު އައީ 2022 ވަނަ އަހަރު ކާބޯތަކެތި، ބޭސް، ކައްކާ ގޭސް އަދި ތެލުގެ ޒަރޫރީ ބޭނުންތައް ނުލިބިގެން ބޮޑެތި މުޒާހަރާތަކެއް ކުރިމަތިވެ، އޭރުގެ ރައީސް ގޮޓަބާޔާ ރާޖަޕަކްސާ ޤައުމުައުމުން ފިލައި އިސްތިއުފާދޭން މަޖުބޫރުވި ބޮޑު އިޤްތިޞާދީ ހީނަރުކަމަކުން އަރައިގަތުމަށް މަސައްކަތްކުރަމުންދާ ދަނޑިވަޅެއްގައެވެ.
ހުވާކުރެއްވުމަށްފަހު ކުރު ވާހަކަފުޅެއްގައި ދިސާނާޔަކެ ވިދާޅުވީ ޤައުމުގެ ގޮންޖެހުންތަކާ ކުރިމަތިލުމަށް އެހެން ފަރާތްތަކާއެކު މަސައްކަތްކުރައްވާނެ ކަމަށް ވިދާޅުވެފައެވެ.
"އަޅުގަނޑުމެންނަށް ލިބެނީ ގޮންޖެހުންތަކެއް ހުރި ޤައުމެއްކަން އަޅުގަނޑުމެންނަށް ވަރަށް ރަނގަޅަށް އެނގޭ،" ދިސާނާޔަކެ ވިދާޅުވިއެވެ. "މި ފުން ހީނަރުކަމުން އަރައިގަނެވޭނީ ސަރުކާރަކަށް ނުވަތަ އެންމެ ޕާޓީއަކަށް ނުވަތަ އެކަކަށް ކަމަކަށް އަޅުގަނޑުމެން ނުދެކެން." ދިސާނާޔަކެގެ ވިދާޅުވިއެވެ.
