މާލޭގައި ދެ އަންހެން ދަރިންނާއި ތިމާގެ ކުއްޖަކަށް ޖިންސީ ގޯނާކުރި ކަމަށް ތުހުމަތުކުރެވޭ ބައްޕައަކު އިއްޔެ ދަންވަރު ހައްޔަރުކޮށްފިއެވެ.
ފުލުހުން މަޢުލޫމާތު ދެއްވިގޮތުގައި، މި މައްސަލަ ފުލުހުންނަށް ރިޕޯޓުކޮށްފައިވަނީ ރޭ ދަންވަރުގެ ވަގުތެއްގައެވެ. އަދި މައްސަލަ ރިޕޯޓުކުރުމާއެކު، ވަގުތުން ތަޙުޤީޤު ފަށައި، ކޯޓު އަމުރެއްގެ ދަށުން ތުހުމަތު ކުރެވޭ 42 އަހަރުގެ އެ ފިރިހެން މީހާ ހައްޔަރުކޮށްފައިވާކަމަށް ފުލުހުން ބުނެއެވެ.
ފުލުހުން ބުނިގޮތުގައި ފިރިހެން މީހާ އޭނާގެ އަމިއްލަ ދެ އަންހެން ދަރިންނާއި، އޭނާގެ ތިމާގެ ކުއްޖަކަށް ޖިންސީ ގޯނާކޮށްފައިވާކަމަށް ވަނީ ތުހުމަތު ކުރެވިފައެވެ. ނަމަވެސް، މި ކުދިންގެ އުމުރާއި، ގޯނާކުރި މުއްދަތާ ގުޅޭ އިތުރު މަޢުލޫމާތު އަދި ހާމަކޮށްފައެއް ނުވެއެވެ.
ފުލުހުން ވިދާޅުވިގޮތުގައި، މި މައްސަލައިގެ ތަޙުޤީޤު ދަނީ ކުރިއަށެވެ.
