އިސްރާއީލުން ހިފާފައިވާ ހުޅަނގު އައްސޭރީގެ ހެބްރޯންގެ އިރުއުތުރުގައި އޮންނަ ބެއިޓް އީނޫން އަވަށުގެ ދޮރުމަތީގައި އިސްރާއީލު ސިފައިން ބަޑިޖަހައި ފަލަސްތީނުގެ ދެ ޒުވާނަކު ޝަހީދުކޮށްލައިފިއެވެ.
ވަފާއިން ރިޕޯޓުކޮށްފައިވާގޮތުގައި އިސްރާއީލު ސިފައިން ވަނީ އެ އަވަށުގެ ދޮރުމަތީގައި ތިބި ދެ ޒުވާނުންނާ ދިމާލަށް ސީދާ ލައިވް ބުލެޓް ޖަހައި، ޒަހަމްކޮށްލާފައެވެ. އެމްބިއުލާންސްގެ އެހީތެރިންވެސް އެމީހުންނާ ހަމައަށް ދިއުމަށް ހުރަސް އެޅިއެވެ.
މީގެ އިތުރުން ފަލަސްތީނުގެ ސަލާމަތީ ބާރުތަކާއި ހަވާލާދީ ވަފާއިން ވަނީ އެ ދެ ޒުވާނުން ޝަހީދުވެފައިވަނީ ޒަހަމްތަކަކަށް ފަރުވާ ދެމުން ދަނިކޮށް ކަމަށާއި އެ ދެ ޒުވާނުންގެ ހަށިގަނޑު މިވަގުތު އިޒްރޭލުގެ އަސްކަރިއްޔާއިން ހިފަހައްޓާފައިވާ ކަމަށް ބުނެފައެވެ.
