މިދިޔަ ހޮނިހިރު ދުވަހުގެ ރޭ އިސްރާއީލަށް ފޮނުވާލި އީރާނުގެ ގިނަ ޑްރޯންތަކާއި މިސައިލްތައް އިޒްރޭލާއި އެމެރިކާ ސިފައިން ހުއްޓުވި ނަމަވެސް، އެކަން ކުރެވުނީ އަރަބި ގައުމުތަކުން ތެހެރާނުގެ ހަމަލާގެ ރޭވުންތަކާ ބެހޭ އިންޓެލިޖެންސްތައް ސިއްރުން ހިއްސާކުރުމުން ކަމަށް ވޯލް ސްޓްރީޓް ޖާނަލް އިން ބުނެފިއެވެ.
މީގެ އިތުރުން އަރަބި ގައުމުތަކުން އެގައުމުތަކުގެ ވައިގެ ސަރަހައްދު ފައިޓާ ޖެޓްތަކަށް ހުޅުވާލައި، ރާޑަރު ސަވައިލަންސްގެ މައުލޫމާތު ހިއްސާކުރުން ނުވަތަ ބައެއް ހާލަތްތަކުގައި އެހީތެރިކަން ފޯރުކޮށްދިނުމަށް އަމިއްލަ ސިފައިން ފޯރުކޮށްދިން ކަމަށް އެމެރިކާގެ ނޫހަކާ ވާހަކަ ދެއްކި އޮފިޝަލުން ބުނެ އެވެ.
އީރާނުން ހަމަލާދޭން ނިންމުމާ ގުޅިގެން އެމެރިކާގެ އޮފިޝަލުން ތެހެރާނުގެ ރޭވުންތަކާ ބެހޭ އިންޓެލިޖެންސް މައުލޫމާތު ހިއްސާކުރުމަށާއި އިސްރާއީލާ ދިމާލަށް ފޮނުވާ ޑްރޯންތަކާއި މިސައިލްތައް ހުއްޓުވުމަށް އެހީތެރިވުމަށް ސަރަހައްދީ އަރަބި ސަރުކާރުތަކަށް ޕްރެޝަރު ކުރަން ފަށާފައިވާ ކަމަށް ސައުދީ އާއި މިސްރުގެ އޮފިޝަލުން ޑަބްލިއުއެސްޖޭއަށް ވިދާޅުވި އެވެ.
އިސްރާއީލަށް ދޭ އެހީގެ ސަބަބުން ސީދާ ހަނގުރާމައިގެ ތެރެއަށް އެމީހުން ވެއްޓި، ތެހެރާނުން ބަދަލު ހިފުމުގެ ނުރައްކާ ކުރިމަތިވެދާނެ ކަމުގެ ބިރަށް އަރަބި ބައެއް ސަރުކާރުތަކުން އެންމެ ފުރަތަމަ ދިން ޖަވާބަކީ ސަމާލުވުމެވެ. ނަމަވެސް ވޮޝިންޓަނާ އެކު އިތުރަށް މަޝްވަރާކުރުމަށްފަހު ޔޫއޭއީ އާއި ސައުދީ އަރަބިއްޔާ އިން ސިއްރުން އިންޓެލިޖެންސް ހިއްސާކުރަން އެއްބަސްވިއިރު، އުރުދުން އިން ބުނެފައި ވަނީ އީރާނުގެ ނުރައްކާތައް ހުއްޓުވުމަށް އަމިއްލަ މަތިންދާބޯޓުތައް ވެސް އަމިއްލަ މަތިންދާ ބޯޓުތައް ބޭނުންކޮށްގެން ވެސް އެމެރިކާ އާއި އެހެން ގައުމުތަކުގެ ހަނގުރާމަމަތީ މަތިންދާބޯޓުތަކަށް އެ ގައުމުގެ ވައިގެ ސަރަހައްދު ބޭނުން ކުރުމުގެ ފުރުސަތު ދޭނެ ކަމަށެވެ.
އޮފިޝަލުން ވިދާޅުވާ ގޮތުގައި އެމެރިކާއިން އެތައް އަހަރެއް ވަންދެން ކުރި މަސައްކަތް ނިމުމަކަށް އައީ އިޒްރޭލާއި ގުޅިފައިވާ އަރަބި ސަރުކާރުތަކުގެ އަސްކަރީ އެއްބާރުލުމަށް ހުރަސް އެޅި ސިޔާސީ އަދި ފަންނީ ހުރަސްތައް ނައްތާލައިގެންނެވެ.
ނޭޓޯގެ މެދުއިރުމަތީގެ ވާޝަނެއްގެ ބަދަލުގައި އެމެރިކާއިން މި ސަރަހައްދުގައި ވައިގެ ދިފާއީ ގުޅުންތައް ކުޑަކުރުމަށް ސަމާލުކަން ދީފައިވަނީ އީރާނުން ޑްރޯން އާއި މިސައިލްގެ ހަތިޔާރު ތައް އިތުރުވަމުންދާ މިންވަރު ހުއްޓުވުމަށް ކަމަށް ރިޕޯޓްތައް ބުނެއެވެ.
