އީރާނާއި ޔަމަނުން އިޒްރޭލަށް އަމާޒުކޮށް ފޮނުވާލި އެތައް ޑްރޯންއަކާއި މަދުވެގެން ހަ ބެލިސްޓިކް މިސައިލް ނައްތާލާފައިވާ ކަމަށް އެމެރިކާގެ އަސްކަރިއްޔާއިން ބުނެފި އެވެ.
އެމެރިކާގެ ސެންޓްރަލް ކޮމާންޑް (ސެންޓްކޮމް) އިން ބުނީ އެމެރިކާ ސިފައިން 80 އަށް ވުރެ ގިނަ ވަންވޭ އެޓޭކް ޑްރޯން އަށް ހަމަލާ ދީފައިވާ ކަމަށާއި އޭގެ ތެރޭގައި ޖައްވަށް ފޮނުވާލުމުގެ ކުރިން ބިންމައްޗަށް އަމާޒުކުރި ހަތް ޔޫއޭވީ ހިމެނޭ ކަމަށެވެ.
ސެންޓްކޮމްއިން އެކްސްއާ ބެހޭ ގޮތުން ކުރި ޕޯސްޓެއްގައި ބުނެފައި ވަނީ އީރާނުގެ އަމަލުތައް ކުރިއަށް ގެންދިއުމަކީ ސަރަހައްދީ ހަމަޖެހުމާއި އެމެރިކާ އާއި ގުޅިފައިވާ ގައުމުތަކުގެ ސަލާމަތަށް ނުރައްކާވާ ކަމެއް ކަމަށެވެ.
"އީރާނުގެ މި ނުރައްކާތެރި އަމަލުތަކާ ދެކޮޅަށް އިސްރާއީލުގެ ދިފާއުގައި އެއްބާރުލުން ދިނުމަށް ސެންޓްކޮމް ދެމި އޮންނާނެ. ސަރަޙައްދީ ސަލާމަތާއި ރައްކާތެރިކަން އިތުރުކުރުމަށް ސަރަޙައްދީ ހުރިހާ ޕާޓްނަރުންނާއެކު މަސައްކަތް ކުރަމުން ގެންދާނަން."
ސެންޓްކޮމް އިން މިކަން ހާމަކޮށްފައި މިވަނީ ސީރިއާގައި ހުންނަ އެ ގައުމުގެ އެމްބަސީއަށް އިސްރާއީލުން ދިން ކަމަށް ތުހުމަތު ކުރެވޭ ހަމަލާގެ ބަދަލު ހިފުމުގެ ގޮތުން އީރާނުން އިސްރާއީލުގެ ސަރަހައްދަށް ފުރަތަމަ ފަހަރަށް ހަމަލާ ދޭން ފަށާފައި ވަނިކޮށެވެ.
300 އަށް ވުރެ ގިނަ ޑްރޯން އާއި މިސައިލް ހިމެނޭ މި ހަމަލާގެ ސަބަބުން ލިބިފައިވަނީ ވަރަށް ކުޑަ ގެއްލުމެކެވެ.
އެމެރިކާގެ ރައީސް ޖޯ ބައިޑަން މީގެ ކުރިން ވަނީ އިޒްރޭލަށް "އަންނަ ޑްރޯންތަކާއި މިސައިލްތަކުގެ ތެރެއިން ގާތްގަނޑަކަށް ހުރިހާ ޑްރޯންތަކެއް" ވައްޓާލުމުގައި އެމެރިކާ ސިފައިންގެ އާދަޔާ ހިލާފު ހުނަރަށް ތައުރީފު ކޮށްފައެވެ.
