އަރިއަތޮޅު އުތުރުބުރީ އުކުޅަހު ޞިއްޙީ މަރުކަޒުގައި ލެބޯޓްރީގެ ޚިދުމަތް ރަސްމީކޮށް ފަށައިފިއެވެ. އަދި މި ޚިދުމަތް އިސްވެހުންނެވީ އެކަމަށްޓަކައި ބޭއްވި ޚާއްޞަ ރަސްމިއްޔާތެއްގައި ޞިއްޙީ ވަޒީރު ޢަބްދުﷲ ނާޡިމް އިބްރާހީމް އެވެ.
އުކުޅަހު ޞިއްޙީ މަރުކަޒުގައި ބޭއްވި މި ރަސްމިއްޔާތުގައި އުކުޅަހު ކައުންސިލްގެ މެންބަރުންނާއި، ޞިއްޙީ މަރުކަޒުގެ އިސްވެރިންގެ އިތުރުން އެ ރަށުގެ ގިނަ އަދަދެއްގެ ރައްޔިތުން ބައިވެރިވެފައިވެއެވެ. މިއީ އެ ރަށުގެ ރައްޔިތުންނަށް ޞިއްޙީ ޚިދުމަތް ހޯދުމުގައި ދިމާވަމުންދިޔަ ދަތިތަކަށް ލިބުނު ބޮޑު ލުޔެކެވެ.
މި ލެބޯޓްރީގެ ޚިދުމަތާއެކު، މީގެ ކުރިން ޓެސްޓް ހެދުމަށް އެހެން ރަށްރަށަށް ކުރަންޖެހޭ ދަތުރުތައް ނިމުމަކަށް އަންނާނެއެވެ. ރަށުގައި ތިބެގެން ލޭ އެޅުމުގެ ޚިދުމަތާއި، އާންމުކޮށް ހަދަންޖެހޭ ޓެސްޓުތައް ހެދުމުގެ ފުރުޞަތު ލިބުމަކީ ރައްޔިތުންގެ ޖީބަށް ލުއިވެ، ވަގުތު ސަލާމަތްވާނެ ކަމެއްކަން ރައްޔިތުން ފާހަގަކުރެއެވެ.
ޞިއްޙީ ވުޒާރާއިން ވިދާޅުވި ގޮތުގައި، މި ލެބޯޓްރީގެ ސަބަބުން ހަކުރު ބައްޔާއި، ހިތުގެ ބައްޔާއި، ލޭ މައްޗަށް ދިއުމުގެ އިތުރުން ކިޑްނީގެ މައްސަލަތައް ފަދަ ބޮޑެތި ބަލިތައް ދުރާލައި ދެނެގަތުމަށް މަގުފަހިވާނެއެވެ. އަދި މަދިރީގެ ޒަރިއްޔާއިން ފެތުރޭ ޑެންގޫ ފަދަ ބަލިތަކާއި، މާބަނޑު މީހުން ގަވާއިދުން ހަދަންޖެހޭ ޓެސްޓުތައްވެސް ދެން އެ ރަށުން ހެދޭނެއެވެ.
ރާއްޖޭގެ ހުރިހާ ރަށެއްގައި ލެބޯޓްރީގެ ޚިދުމަތް ގާއިމުކުރުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ރިޔާސީ ވަޢުދެކެވެ. ސަރުކާރުގެ އަމާޒަކީ ރައްޔިތުންނާ ގާތުން ފެންވަރު ރަނގަޅު ޞިއްޙީ ޚިދުމަތްތައް ފޯރުކޮށްދިނުމެވެ.
އުކުޅަހު ޞިއްޙީ މަރުކަޒުގައި ލެބޯޓްރީގެ ޚިދުމަތް ފަށައިފި
އަރިއަތޮޅު އުތުރުބުރީ އުކުޅަހު ޞިއްޙީ މަރުކަޒުގައި ލެބޯޓްރީގެ ޚިދުމަތް ރަސްމީކޮށް ފަށައިފިއެވެ. މި ޚިދުމަތް ފަށްޓަވައިދެއްވީ އެކަމަށްޓަކައި ބޭއްވި ޚާއްޞަ ރަސްމިއްޔާތެއްގައި ޞިއްޙީ ވަޒީރު ޢަބްދުﷲ ނާޡިމް އިބްރާހީމް އެވެ.
އުކުޅަހު ޞިއްޙީ މަރުކަޒުގައި ބޭއްވި މި ރަސްމިއްޔާތުގައި އުކުޅަހު ކައުންސިލްގެ މެންބަރުންނާއި، ޞިއްޙީ މަރުކަޒުގެ އިސްވެރިންގެ އިތުރުން އެ ރަށުގެ ގިނަ އަދަދެއްގެ ރައްޔިތުން ބައިވެރިވެފައިވެއެވެ. މިއީ އެ ރަށުގެ ރައްޔިތުންނަށް ޞިއްޙީ ޚިދުމަތް ހޯދުމުގައި ދިމާވަމުންދިޔަ ދަތިތަކަށް ލިބުނު ބޮޑު ލުޔެކެވެ.
މި ލެބޯޓްރީގެ ޚިދުމަތާއެކު، މީގެ ކުރިން ޓެސްޓް ހެދުމަށް އެހެން ރަށްރަށަށް ކުރަންޖެހޭ ދަތުރުތައް ނިމުމަކަށް އަންނާނެއެވެ. ރަށުގައި ތިބެގެން ލޭ އެޅުމުގެ ޚިދުމަތާއި، އާންމުކޮށް ހަދަންޖެހޭ ޓެސްޓުތައް ހެދުމުގެ ފުރުޞަތު ލިބުމަކީ ރައްޔިތުންގެ ޖީބަށް ލުއިވެ، ވަގުތު ސަލާމަތްވާނެ ކަމެއްކަން ރައްޔިތުން ފާހަގަކުރެއެވެ.
ޞިއްޙީ ވުޒާރާއިން ވިދާޅުވި ގޮތުގައި، މި ލެބޯޓްރީގެ ސަބަބުން ހަކުރު ބައްޔާއި، ހިތުގެ ބައްޔާއި، ލޭ މައްޗަށް ދިއުމުގެ އިތުރުން ކިޑްނީގެ މައްސަލަތައް ފަދަ ބޮޑެތި ބަލިތައް ދުރާލައި ދެނެގަތުމަށް މަގުފަހިވާނެއެވެ. އަދި މަދިރީގެ ޒަރިއްޔާއިން ފެތުރޭ ޑެންގޫ ފަދަ ބަލިތަކާއި، މާބަނޑު މީހުން ގަވާއިދުން ހަދަންޖެހޭ ޓެސްޓުތައްވެސް ދެން އެ ރަށުން ހެދޭނެއެވެ.
ރާއްޖޭގެ ހުރިހާ ރަށެއްގައި ލެބޯޓްރީގެ ޚިދުމަތް ގާއިމުކުރުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ރިޔާސީ ވަޢުދެކެވެ. ސަރުކާރުގެ އަމާޒަކީ ރައްޔިތުންނާ ގާތުން ފެންވަރު ރަނގަޅު ޞިއްޙީ ޚިދުމަތްތައް ފޯރުކޮށްދިނުމެވެ.
