ކެބިނެޓްގެ މުހިންމު މަގާމުތަކަށް ބޮޑެތި ބަދަލުތަކެއް ރައީސުލްޖުމްހުރިއްޔާ ޑރ. މުހައްމަދު މުއިއްޒު ގެންނަވައިފިއެވެ.
އެ ބަދަލު ގެންނަން ނިންމާފައިވަނީ ރައީސުލްޖުމްހޫރިއްޔާ މިއަދު ބޭއްވި ވަޒީރުންގެ މަޖިލީހުންނެވެ.
މިގޮތުން ރައީސް ވަނީ ފިނޭންސް މިނިސްޓަރު ކަމުގައި ހުންނެވި ފިނޭންސް މިނިސްޓަރު ޑރ. މުހައްމަދު ޝަފީގް އެ މަގާމުން ވަކިކޮށް ފޮރިން މިނިސްޓަރު މޫސާ ޒަމީރު އެ މަގާމަށް އައްޔަނުކުރައްވާފައެވެ.
އަދި ހެލްތް މިނިސްޓަރު ކަމުގައި ހުންނެވި ޑރ. އަބްދުﷲ ހަލީލް ވަނީ ފޮރިން މިނިސްޓަރު ކަމަށް އައްޔަނުކުރައްވާފައެވެ. ހެލްތް މިނިސްޓަރު ކަމަށް އައްޔަނު ކުރައްވާފައިވަނީ ކުރީގެ ހެލްތް މިނިސްޓަރު އަދި މިހާރު ރައީސް އޮފީހުގެ މިނިސްޓަރު އަބްދުﷲ ނާޒިމް އިބްރާހިމެވެ.
މަގާމުތަކަށް ގެނައި ބަދަލުތައް ރައީސް އޮފީހުގެ ވެބްސައިޓުގައި މިހާރު ޝާއިއުކޮށްފައިވެ އެވެ.
މި ބޭފުޅުން ވަނީ މިއަދު މެންދުރު ރައީސް އޮފީހުގައި ބޭއްވި ރަސްމިއްޔާތެއްގައި މަގާމުގެ ހުވާ ކުރައްވާފައެވެ.
