ދުނިޔޭގެ އެންމެ މޮޅު ފުޓްބޯޅަ ކުޅުންތެރިޔާ، ކްރިސްޓިއާނޯ ރޮނާލްޑޯ، ބުދަ ދުވަހު ޔޫޓިއުބްގައި ފުރަތަމަ ފަހަރަށް ޗެނަލެއް ފަށައި، އެއްގަޑިއިރުގެ ތެރޭގައި އެއް މިލިއަން ސަބްސްކްރައިބަރުން ހޯދައިފިއެވެ.
ރޮނާލްޑޯ މިކާމިޔާބީ ފާހަގަކުރީ އޭނާގެ އާއިލާއާއެކު، ޕްލެޓްފޯމުން ލިބުނު ގޯލްޑަން ބަޓަން ދައްކައިގެންނެވެ. މިހާތަނަށް "ޔޫއާރު ކްރިސްޓިއާނޯ" ޗެނަލަށް 10 މިލިއަނަށްވުރެ ގިނަ ސަބްސްކްރައިބަރުން ލިބިފައިވެއެވެ.
ރޮނާލްޑޯ އޭނާގެ ފޭންސްތަކަށް ސޯޝަލް މީޑިއާގައި ޝުކުރު އަދާކުރީ، އޭނާގެ މަޝްހޫރު ސެލެބްރޭޝަނަށް އިޝާރާތްކޮށް "ސިއުއުއު ސަބްސްކްރައިބަރުން" ގެ ގޮތުގައި މަޖާކޮށްލައިގެންނެވެ. "އަހަރެންގެ އާއިލާއަށް ހަދިޔާއެއް… ހުރިހާ ސިއުއުއު ސަބްސްކްރައިބަރުންނަށް ޝުކުރިއްޔާ!" ރޮނާލްޑޯ ލިޔެފައިވަނީ އޭނާގެ ދަރިންނަށް "ގޯލްޑް ޕްލޭ ބަޓަން" ދައްކަމުންނެވެ.
A present for my family ❤️ Thank you to all the SIUUUbscribers! ➡️ https://t.co/d6RaDnAgEW pic.twitter.com/keWtHU64d7
— Cristiano Ronaldo (@Cristiano) August 21, 2024
ވީޑިއޯގައި އޭނާ ދަރިންގެ ކުރިމަތީގައި ޕްޅޭ ބަޓަން އަންބަކްސްކޮށް، އޭނާގެ ޗެނަލަށް އެއް މިލިއަން ސަބްސްކްރައިބަރުން ލިބިފައިވާކަން ދަރިންނަށް ބުނެދެއެވެ.
