ހުޅަނގު އައްސޭރީގެ 25 ރައްޔިތަކު އިސްރާއީލުން ހިފަހައްޓައިފިއެވެ.
ޑިޓެއިންސް އެންޑް އެކްސް ޑިޓެއިނިންސް އެފެއާޒް ކޮމިޝަނާއި ފަލަސްތީނުގެ ޕްރިޒަނަރސް ސޮސައިޓީން ނެރުނު ބަޔާނެއްގައި ބުނެފައިވަނީ ހައްޔަރުކުރި މީހުންނަކީ މައިގަނޑު ގޮތެއްގައި ބެތުލެހެމް ގަވަރުނަރޭޓްގައި ހައްޔަރުކޮށްފައިވާ މީހުން ކަމަށާއި ބާކީ މީހުން ހައްޔަރުކޮށްފައިވަނީ ރަމަالله، ހެބްރޮން، ޖެނިން، ނަބްލޫސް، ސަލްފިޓް އަދި ގުދުސްގެ ގަވަރުނަރޭޓްތަކުގައި ކަމަށެވެ.
އެ މީހުން ފާހަގަކުރި ގޮތުގައި ފަހަކަށް އައިސް އިސްރާއިލްގެ ސިފައިން ބާރުގެ ބޭނުންކޮށްގެން ދާދި ފަހުން ދޫކޮށްލި އެތައް ބަޔަކު ހައްޔަރުކުރުން އިތުރުވެ، ބަންދުގައި މީހުންނާއި އެމީހުންގެ އާއިލާތަކަށް ބޮޑެތި ގެއްލުންތަކެއް ދީ، ބޮޑެތި މާރާމާރީތަކާއި އިންޒާރުތައް ދީ، ރައްޔިތުންގެ ގެދޮރު ދަީ ހަލާކުކުރަމުންނެވެ.
އޮކްޓޯބަރު މަހުގެ ފަހުން އިސްރާއީލުން ހައްޔަރުކުރި ފަލަސްތީނުގެ މީހުންގެ އަދަދު 8،665 އަށް ވުރެ މައްޗަށް އަރާފައިވާއިރު، އޭގެ ތެރޭގައި ގެތަކުން ނުވަތަ އަސްކަރީ ޗެކްޕޮއިންޓްތަކުން ހައްޔަރުކުރި މީހުންނާއި ރަހީނުކޮށްގެން ތިބި މީހުން ވެސް ހިމެނެ އެވެ.
