ސޯމާލިއާގެ ކަނޑުފޭރޭ މީހުން އެހެން އުޅަނދުތަކަށް ހަމަލާ ދިނުމުގެ މަރުކަޒެއްގެ ގޮތުގައި ބޭނުންކުރަން ތައްޔާރުވުމުގެ ގޮތުން ހައިޖެކްކުރި އުޅަނދުގެ ފަޅުވެރިން އިންޑިއާގެ ކަނޑުގެ އަސްކަރިއްޔާއިން މިނިވަންކޮށްފި އެވެ.
މި އޮޕަރޭޝަނަކީ އިންޑިއާގެ ކަނޑުގެ ސިފައިންގެ އުޅަނދެއް ކަމަށްވާ އައިއެންއެސް ކަލްކަތާގެ ފަޅުވެރިންނާއި އެމްވީ ރުއެންގައި ތިބި ކަނޑުފޭރޭ 35 މީހުންނާ ދެމެދު ހަފުތާ ބަންދުގައި ދިގު މުއްދަތަކަށް ހިނގި ހަމަނުޖެހުންތަކަކާ ގުޅިގެން ހިންގި އޮޕަރޭޝަނެކެވެ. ބަލްގޭރިއާގެ ޝިޕިން ކުންފުންޏެއް ކަމަށްވާ ނަވިބުލްގަރުގެ ހިއްސާ އޮންނަ ރުއެން ކަނޑުފޭރޭ މީހުން އަތުލައިގަތީ މިދިޔަ ޑިސެމްބަރު މަހުގެ ތެރޭގަ އެވެ.
ސޯމާލިއާގެ އީލްގެ އައްސޭރިފަށުގައި އެތައް މަހެއް ވަންދެން ތިބުމަށްފަހު މިދިޔަ ހަފުތާގައި ރުއެން އިތުރަށް މޫދަށް އެރުމުން ކަނޑުފޭރޭ މީހުން އެ އުޅަނދު ހަމަލާދޭ މަރުކަޒެއްގެ ގޮތުގައި ބޭނުންކުރަން ރާވާފައިވާ ކަމަށް މެރިޓައިމް ސެކިއުރިޓީ މާހިރުން ދެކެ އެވެ.
ސޯމާލިއާގެ ކަނޑުފޭރޭ މީހުން ގިނަފަހަރަށް ބޮޑެތި އުޅަނދުތައް ބޭނުންކުރަނީ "މާދަރީ އުޅަނދުތަކުގެ" ގޮތުގަ އެވެ. އިންޑިއާގެ ކަނޑުގެ އަސްކަރިއްޔާއިން ހޮނިހިރު ދުވަހު ސޯޝަލް މީޑިއާ ޕްލެޓްފޯމް އެކްސްގައި ލިޔެފައިވާ ގޮތުގައި ކަނޑުފޭރޭ 35 މީހުން ވެސް ކާމިޔާބުކަމާއެކު އަމިއްލައަށް ސަރެންޑާކުރަން މަޖުބޫރުކޮށް، 17 ފަޅުވެރިން އެއްވެސް އަނިޔާއެއް ނެތި ކަނޑުފޭރޭ އުޅަނދުން ސަލާމަތުން އެތަނުން ނެރެފައިވާކަން ކަށަވަރުކޮށްދިނެވެ.
އިނގިރޭސިވިލާތުގެ މެރިޓައިމް ސެކިއުރިޓީ ކުންފުންޏެއް ކަމަށްވާ އަމްބްރޭ އިން ބުނީ މީގެ ކުރިން ސޯމާލިއާއިން އެއް ފަޅުވެރިއަކު ބޭސްފަރުވާއަށް ގެއަށް ގެންދިއުމުން މިނިވަންކުރި 17 މީހުންނަކީ ރުއެންގެ ބާކީ ތިބި ހުރިހާ ފަޅުވެރިން ކަމަށް ގަބޫލުކުރާ ކަމަށެވެ.
މެރިޓައިމް ސެކިއުރިޓީ ބުލެޓިންތަކުގައި ހުކުރު ދުވަހު ބުނެފައި ވަނީ އިންޑިއާގެ ކަނޑުގެ ސިފައިން ރުއެން ކަނޑުގައި ކަނޑުފޭރޭ މީހުންނަށް ބަޑިޖެހުން ހުއްޓާނުލާނަމަ ކަނޑުފޭރޭ މީހުން ފަޅުވެރިން މަރާލާނެ ކަމުގެ އިންޒާރު ދެމުން އަންނަ ކަމަށެވެ. ކަނޑުފޭރޭ މީހުން ވައިގެ ތެރެއަށް ބަޑިޖަހާ މަންޒަރު ފެންނަ ފޮޓޯތައް ނޭވީން ވަނީ އޮންލައިންކޮށް އާންމުކޮށްފަ އެވެ.
އިންޑިއާގެ ކަނޑުގެ ސިފައިން މިފިޔަވަޅު އެޅީ ސޯމާލިއާގެ އައްސޭރިފަށުން 600 ނޯޓިކަލް މޭލު ބޭރުން ބަންގްލަދޭޝްގެ ބަލްކް ކެރިއާއެއް ކަމަށްވާ އަބްދުالله މިދިޔަ ބުރާސްފަތި ދުވަހު އަތުލައިގަތުމާ ގުޅިގެންނެވެ. މެރިޓައިމް އިންޓެލިޖެންސް ކޮމިއުނިޓީގައި ރިޕޯޓްކޮށްފައި ވަނީ ރުއެންގެ މައްޗަށް ބިނާކޮށް ކަނޑުފޭރޭ މީހުން އެ އެ އޭޓެކްގައި ބައިވެރިވި ކަމަށް ބެލެވޭ ކަމަށެވެ.
