އުރަމަތީގެ ޓިޝޫގެ ބައެއް ސެލްތައް ޖެނެޓިކް ބަދަލުތަކުގެ ތެރެއިން ކޮންޓްރޯލުން ނެއްޓި ގޮސް އުރަމަތީގެ ކެންސަރަށް މަގުފަހިވެއެވެ. އުރަމަތީގެ ކެންސަރުގެ ގިނަ ބާވަތްތަކެއް ހުންނައިރު އޭގެ ތެރޭގައި ތަފާތު އަލާމާތްތައް ހުރެއެވެ. ކޮންމެ ބާވަތަކަށް ވެސް ފެންނަ ނިޝާންތައް ވަރަށް ބޮޑަށް ތަފާތެވެ. އަދި ބައެއް މީހުންގެ ކިބައިން އަވަހަށް އަލާމާތްތައް ނުފެނިވެސް ދެއެވެ.
ނޭޝަނަލް ކެންސަރ އިންސްޓިޓިއުޓް (އެންސީއައި)ގެ 2017-2019 ގެ ތަފާސް ހިސާބުތައް ދައްކާގޮތުން އެމެރިކާގައި ސިސްޖެންޑަރ އަންހެނުންގެ ތެރެއިން 12.9 އިންސައްތަ އަންހެނުންނަށް އުރަމަތީގެ ކެންސަރު ހުންނަ މީހުންނެވެ. މި ބަލިން ރައްކާތެރިވެވޭނެ ޔަޤީން ގޮތެއް ނެތް ނަމަވެސް އަވަހަށް ދެނެގަނެވިއްޖެނަމަ ފަރުވާކުރަން ފަސޭހަވާނެއެވެ. އެހެންކަމުން ސިކުނޑިން ސަމާލުކަންދީ އަލާމާތްތައް ދެނެގަތުމަކީ ވަރަށް މުހިންމު ކަމެކެވެ.
އުރަމަތީގެ ކެންސަރު ޖެހުމުގެ އެވްރެޖް ނުރައްކާ އޮތް ނަމަ އުމުރުން 45 އަހަރާއި 54 އަހަރާ ދެމެދު ގަވާއިދުން މެމޯގްރާމް ސްކްރީން ކުރަން ފަށަން އޭސީއެސް އިން ލަފާދެ އެވެ. މެއި 2023 ގެ ނިޔަލަށް އެމެރިކާގެ ޕްރިވެންޓިވް ސާވިސަސް ޓާސްކް ފޯސް (ޔޫއެސްޕީއެސްޓީއެފް) އިން ލަފާ ދެނީ އުމުރުން 40 އަހަރުން ފެށިގެން ކޮންމެ ދެ އަހަރަކުން ފެށިގެން ސިސްޖެންޑާ އަންހެނުން މެމޯގްރާމް ހެދުމަށެވެ.
އުރަމަތީގެ ކެންސަރު ޖެހުމުގެ ފުރުސަތު ބޮޑު ނަމަ، އޭސީއެސް އިން ލަފާ ދީފައި ވަނީ އުމުރުން 30 އަހަރުގައި ސްކްރީން ކުރަން ފެށުމަށެވެ. ފުރުސަތު ބޮޑު މީހުންނަކީ ތިރީގައިވާ ކެޓަގަރީތަކަށް ފެތޭ މީހުންނެވެ.
- އުރަމަތީގެ ކެންސަރުގެ ޢާއިލީ ތާރީޚެއް އޮތުން
- ވަކި ޖެނެޓިކް މިއުޓޭޝަންތަކެއް ހުރުން
- ސިކުނޑިއަށް ކުރިން ރޭޑިއޭޝަން ތެރަޕީ ދިނުން
- ބޮޑެތި ޞިއްޙީ ބައެއް ޙާލަތްތައް ކުރިމަތިވެފަ ހުރުން
އުރަމަތީގެ ކެންސަރު ޖެހުމުގައި ފެންނާނެ އަލާމާތްތައް ތިރީގައި މިވަނީ އެވެ. އަބަދުވެސް ކުރެވޭ ހީތަކަށް އިތުބާރު ކުރާށެވެ. އަދި ސިއްހީ ހިދުމަތްދޭ ފަރާތަކާ ވާހަކަ ދައްކަން ފަސްނުޖެހޭށެވެ.
ކުރިން ފާހަގަނުވާ ގޮށެއް އުރަމަތީގައި ލުން
އުރަމަތީގައި ކުރިން ފާހަގަނުވާ ގޮށެއް ފަދަ ތަނެއް ހުރުމަކީ އުރަމަތީގެ ކެންސަރުގެ އެންމެ ކުރީކޮޅު ފެންނަ އަލާމާތެކެވެ. އެހެންނަމަވެސް މި ގޮތަށް ގޮށެއް ފެންނަ ކޮންމެ ފަހަރަކު ކެންސަރަށް ނުވެވެސް ދެއެވެ.
ކެންސަރު ނެތް އުރަމަތީގެ ސިސްޓެއް ނުވަތަ ފައިބްރޮސިސްޓިކް ހުންނަ ހާލަތްތައްވެސް ބައެއް ފަހަރު ކުރިމަތިވެއެވެ. ކެންސަރު ޖެހިފައިވާ މިފަދަ ގޮށްތަކުގައި ބައެއް ފަހަރު ތަދުނުވެވެސް ހުރެއެވެ. އަދި ބައެއް ހާލަތްތަކުގައި މިއީ "މަޑު، ވަށް އަދި ވޭންދެނިވި" އެއްޗެކެވެ. ކިހިލިފަތް ދަށުގައި ނަގާ މިފަދަ ގޮށްތަކަކީވެސް ކެންސަރުގެ އަލާމާތެެކެވެ.
އުރަމަތީގެ ސިފައަށް އަންނަ ބަދަލުތައް
އުރަމަތީގެ ބައެއް ބަދަލުތަކަކީ ގުދުރަތީ ގޮތުން އަންނަ ބަދަލުތަކަކަށް ވާއިރު، މި ފަދަ ބަދަލުތައް ބަރުދަނާއި، މުސްކުޅިވުމުގެ ސަބަބުންނާއި، ޕީރިއަޑްވުމާއި، އިއްދައިން ކެނޑުމުގެ ސަބަބުން އަދި މާބަނޑު ދުވަސްވަރާވެސް ގުޅިފައި ހުރެއެވެ. ދޭތެރެ ދުރުކުރާ ބޭސް ފަދަ ހޯމޯނަލް ބޭސްތަކުގެ ސަބަބުން އުރަމަތި ހަރުކޮށްލައެވެ.
ބައެއް ފަހަރު އުރަމަތީގެ ކެންސަރު ޖެހިއްޖެ ނަމަ، ކުރިން ބުނި ގޮށެއް ފެނުމުގެ ކުރިން އެހެން ބަދަލުތައް ފާހަގަކުރެވެން ފަށައެވެ. އެގްރެސިވް އިންފްލެމޭޓަރީ އުރަމަތީގެ ކެންސަރު ފަދަ ބާވަތްތައް އެއްވެސް އުނދަގުލެއް ނެތި އައުމަކީ އެކަށީގެންވާ ކަމެކެވެ. އުރަމަތީގެ ކެންސަރަށް އިޝާރާތްކުރެވޭ އުރަމަތީގެ ސިފައަށް އަންނަ ބަދަލުތަކުގެ ތެރޭގައި:
- އުރަމަތީގެ ހުރިހާ ހިސާބެއް ދުޅަވުން
- އުރަމަތި ޑިމްޕަލްއެއް ސިފައަށް ވަޅުވަދެފައި ހުރުން (ހަންގަނޑު އޮރެންޖް ތޮށި ފަދައިން ހުރުން)- މިއީ އާންމުގޮތެއްގައި އިންފްލެމޭޓަރީ އުރަމަތީގެ ކެންސަރުގެ އަލާމާތެއް
- ހަންގަނޑަށް އަންނަ ބަދަލުތަކުގެ ތެރޭގައި ހަންގަނޑު ހިކުން، ތުނިވުން، ނުވަތަ ފަޅައިގެން ދިއުން
- ބްރާ ނައްޓާލުމުން ފިލައިގެން ނުދާ ނިޝާނެއް ހުރުން
- ކުއްލިއަކަށް ކުލައަށް އަންނަ ބަދަލުތައް
- ގުދުރަތީ ނުވަތަ ބޭހާ ގުޅިގެން ސިފައާއި ސައިޒަށް އަންނަ އެހެނިހެން ބަދަލުތައް
ނިޕްލްއަށް ބަދަލުއައުން
ކެންސަރުގެ ސަބަބުން ނިޕްލް ނުވަތަ ނިޕްލް އޭރިއާއަށް ވެސް އަސަރު ކޮށްފާނެ އެވެ. އުރަމަތީގެ ކެންސަރުގެ އަލާމާތަކަށް ވެދާނެ ނިޕަލް އަށް އަންނަ ބަދަލުތަކުގެ ތެރޭގައި:
- އިންވާޓްޑް ނިޕްލް، ނުވަތަ އެތެރެއަށް ވަދެފައި ހުންނަ ނިޕްލް: މިއީ ގުދުރަތީ ބަދަލަކަށް ވެދާނެ
- ނިޕަލް އޭރިއާއަށް އަންނަ ބަދަލުތައް (މިސާލަކަށް: ރަތްވުން، ހިކުން، ކްރަސްޓިން ނުވަތަ ފްލެކިން)
- ލޭ ފަދަ އުރަމަތީގެ ކިރު ނޫން ޑިސްޗާޖެއް އައުން: މިއީ ދޭތެރެ ދުރުކުރ ބޭހާއި އިންފެކްޝަންގެ ސަބަބުން ވެސް ދިމާވެދާނެ ކަމެއް
އާދަޔާ ހިލާފަށް އުރަމަތި ބޮޑުވެ ރިއްސުން
އުރަމަތި ބޮޑުވެ، ހަރުވުން އަދި އޭގެ ތެރެއިން ބައެއް ފަހަރު ހުރިހާ ހިސާބެއްގައި ވެސް ރިއްސުން އިހުސާސް ކުރެވިދާނެ އެވެ. މި ދެ އަލާމާތަކީ ވެސް ގިނަ ފަހަރަށް ސީރިއަސް ހާލަތެއްގެ އަލާމާތްތަކެވެ. ދޭތެރެ ދުރުކުރާ ބޭސްތަކުގެ ސަބަބުން އުރަމަތި ހަރުވެ، ފައިބްރޯސިސް (އުރަމަތީގައި އުފެދޭ އާންމު ހާލަތެއް) ގެ ސަބަބުން، ހާއްސަކޮށް ޕީރިއަޑްގެ ދުވަސްވަރު ގައިގައި ރިއްސުމަށް މަގުފަހިވެއެވެ. އެހެންކަމުން ކެންސަރަށް ޓެސްޓްކުރުމަށް ސިއްހީ ހިދުމަތްދޭ ފަރާތަކާ ވާހަކަ ދެއްކުން ވަރަށް މުހިއްމެވެ.
މިއިން ކޮންމެ ވެސް ބަދަލެއް ތަޖުރިބާ ކުރުމަކީ ބިރުވެރި ކަމަކަށް ވެދާނެ ކަމަށާއި ނަމަވެސް ގިނަ ބަދަލުތަކަކީ އުރަމަތީގެ ކެންސަރުގެ ސަބަބުން އަންނަ ބަދަލުތަކެއް ނޫންކަން ހަނދާނުގައި ބަހައްޓަން ޖެހެ އެވެ. އަދި ބަލި ދެނެގަނެވިއްޖެނަމަ، މިހާރުވެސް ފަރުވާގެ ގިނަ ގޮތްތަކެއް އެބަހުރިކަން ކަންވެސް ހަނދާނުގައި ބަހައްޓަންވާނެ އެވެ. ޞިއްޙީ ޚިދުމަތްދޭ ފަރާތަކަށް ދެއްކުމަށް ޓަކައި، އަވަހަށް ބަލި ދެނެގަތުމާއި، ފަރުވާދިނުމަކީ، ރަނގަޅު ނަތީޖާއަކަށް ޓަކައި ވަރަށް މުހިންމު ކަމެކެވެ.
