ޓޫރިސްޓުން ގެނައުމަށް ހާއްސަކޮށް ތައްޔާރުކޮށްފައިވާ ނެޝަނަލް އާޓް ކަލެކްޝަން ވަރަށް އަވަހަށް އިފްތިތާހު ކުރާނެ ކަމަށް ޔޫތު މިނިސްޓަރު އިބްރާހިމް ވަހީދު ވިދާޅުވެއްޖެ އެވެ.
އެމަނިކުފާނު މިހެން ވިދާޅުވީ "އަންވެއިލިންގ ވިޝަން 2024″ އާޓް އެކްސްޕޯއަށް ކުރެއްވި ޒިޔާރަތުގައި ވާހަކަފުޅު ދައްކަވަމުންނެވެ. މިނިސްޓަރ ވަނީ އުފެއްދުންތެރިކަމުގެ ސިނާއަތުގައި އުފެއްދުންތެރިކަން އިތުރުކުރުމަށާއި ކުރިއެރުމަށްޓަކައި މި ކަލެކްޝަން ހުޅުވުމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އިރުޝާދު ދެއްވާފައިވާކަން ފާހަގަކުރައްވައި އެވެ.
މިހާރު އާޓް ގެލެރީއަށް ޒިޔާރަތްކުރާ ޓޫރިސްޓުންނަށް ފެންނަނީ އެކްޓިވް އެގްޒިބިޝަންތަކުގައި އެކަންޏެވެ. މިނިސްޓަރ ވަޙީދު ދެއްކެވި ވާހަކަފުޅުގައި، ކުރިއަށް އޮތް ނެޝަނަލް އާޓް ކަލެކްޝަންގެ މުހިންމުކަމުގެ މައްޗަށް އަލިއަޅުއްވާލައްވައި، މިހާރު ކުރިއަށްދާ އެގްޒިބިޝަންތައް ނެތް ޙާލަތުގައިވެސް ފަތުރުވެރިންނަށް އަބަދުވެސް ޝައުޤުވެރިކަން އިތުރުކުރެވޭނެ ގޮތްތައް ހަމަޖެއްސުމުގެ މުހިންމުކަމުގެ މައްޗަށް އަލިއަޅުއްވާލެއްވިއެވެ.
"ރައީސް މުއިއްޒުގެ އިރުޝާދާ އެއްގޮތަށް ވަރަށް އަވަހަށް ނެޝަނަލް އާޓް ކަލެކްޝަން ހުޅުވާނަން. މިކަމުގެ ސަބަބުން ކޮންމެ ދުވަހެއްގައި ވެސް ނުވަތަ މަހަކު ވެސް ޓޫރިސްޓުންނަށް އެކްސްޕްލޯ ކުރާނެ އެއްޗެހި ލިބި، ގެލެރީ އަކީ ހިތްގައިމު މަންޒިލަކަށް ވެގެންދާނެ،" މިނިސްޓަރު ވަހީދު ވިދާޅުވި އެވެ.
މި ސަރުކާރުން ވެރިކަމާ ހަވާލުވި ފަހުން މިހާތަނަށް ވަނީ އަށް މަހާއި ތިން ދުވަހުގެ ތެރޭގައި ނުވަ މައުރަޒެއް ބާއްވާފަ އެވެ.
މިނިސްޓަރ ވަޙީދު ދެއްކެވި ވާހަކަފުޅުގައި، ދިވެހި ފަންނާނުންނަށް އިޤްތިޞާދީ ގޮތުން އެހީތެރިކަން ފޯރުކޮށްދިނުމަށް ބައިނަލްއަޤްވާމީ ފެންވަރުގެ އާޓް ސްކޫލެއް ޤާއިމުކުރުމުގެ ވިސްނުން ގެންގުޅުއްވާކަން ފާހަގަކުރެއްވިއެވެ.
މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑުން މި ސްކޫލް ތަރައްޤީކުރުމަށް އެކްސްޕްރެޝަން އޮފް އިންޓްރެސްޓް ޕްރޮސެސްއެއް ފަށާފައިވާއިރު، ސަރުކާރުގެ މި ދައުރު ނިމުމުގެ ކުރިން ނިންމާލެވޭނެކަމަށް މިނިސްޓަރ ވަޙީދު އުއްމީދުކުރައްވައެވެ.
"އަންވެއިލިންގ ވިޝަން 2024″ އާޓް އެކްސްޕޯއަށް ޒިޔާރަތްކުރައްވައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވެސް ވަނީ ދިވެހި ފަންނާނުންނާއި ފަންނާނުންނަށް ސަރުކާރުން ދޭ ހިލޭ އެހީގެ ސްކީމެއް އިޢުލާންކުރައްވާފައެވެ.
މި އެކްސްޕޯގައި ރާއްޖޭގެ 105 ފަންނާނުންނާއި އުފެއްދުންތެރި ފަންނުވެރިންގެ މަސައްކަތްތައް ދައްކާލާއިރު، ރާއްޖޭގެ ފަންނުވެރި ކަމުގެ މައިދާނުގައި ހިމެނޭ ސަގާފީ ހިދުމަތްތަކުގެ މައްޗަށް އަލިއަޅުވާލާފައިވެއެވެ.
