ޣައްޒާގައި ގަތުލުއާންމު ހުއްޓުވުމަށް އަވަސް ފިޔަވަޅުތަކެއް އެޅުމަށް ބައިނަލްއަގްވާމީ މުޖުތަމައަށް ރާއްޖެއިން ގޮވާލައިފިއެވެ.
ސަޢޫދީ ޢަރަބިއްޔާގެ ޖިއްދާގައި އަންގާރަ ދުވަހު ބޭއްވެވި އޯގަނައިޒޭޝަން އޮފް އިސްލާމިކް ކޯޕަރޭޝަން (އޯ.އައި.ސީ)ގެ ޚާރިޖީ ވަޒީރުންގެ މަޖިލީހުގެ އެކްސްޓްރާ އޯޑިނަރީ ސެޝަންގައި، ފަލަސްޠީނުގެ ރައްޔިތުންނާ ދެކޮޅަށް އިސްރާއީލުން ހިންގަމުންދާ ޙަމަލާތަކާ ބެހޭގޮތުން މަޝްވަރާކުރެއްވުމަށް ބޭއްވެވި ރަސްމިއްޔާތުގައި، ދިވެހިރާއްޖޭގެ ޤައުމީ ބަޔާނުގައި ވިދާޅުވެފައިވެއެވެ.
މި ބައްދަލުވުމުގައި ރާއްޖެއިން ވަނީ ޣައްޒާގައި ހިނގަމުންދާ ހަމަނުޖެހުންތަކާއި އިޒްރޭލު ސަރުކާރުން ރަފާއަށް ހަމަލާދޭނެ ކަމުގެ އިންޒާރުތައް ހަރުކަށި އިބާރާތުން ކުށްވެރިކޮށްފައެވެ. އަދި ޣައްޒާގައި ހިނގަމުންދާ ޖަރީމާތައް ހުއްޓުވުމަށް ބައިނަލްއަޤްވާމީ މުޖުތަމަޢުން އަޅަންޖެހޭ ފިޔަވަޅުތައް އެޅުމަށް ވެސް ވަނީ ގޮވާލާފައެވެ. އަދި ޣައްޒާއަށް އެކަށީގެންވާ މިންވަރަށް އެހީތެރިކަން ފޯރުކޮށްދިނުމަށް މިހާރަށްވުރެ ހަރުދަނާ ފިޔަވަޅުތަކެއް އެޅުމަށް ވެސް ރާއްޖެއިން ވަނީ އިލްތިމާސްކޮށްފައެވެ.
ފަލަސްޠީނަށް ތާއީދުކޮށް ބޭއްވެވި މި ބައްދަލުކުރެއްވުމުގައި، ފަލަސްޠީނުގެ އިރުމަތީ ގުދުސް ހިމެނޭގޮތަށް ފަލަސްޠީނުގެ ސަރަޙައްދުގައި އިސްރާއީލުގެ ސިޔާސަތުތަކާއި ޢަމަލުތަކުގެ ސަބަބުން ކުރިމަތިވާ ޤާނޫނީ ނަތީޖާތަކާ ބެހޭގޮތުން ބައިނަލްއަޤްވާމީ ކޯޓް އޮފް ޖަސްޓިސް (އައި.ސީ.ޖޭ)ގައި ހުށަހެޅުއްވި ބައްދަލުވުމުގައި ރާއްޖެއިން ވަނީ ދެކުނު އެފްރިކާއިން ހުށަހަޅާފައިވާ މައްސަލައަށް ނުފޫޒު ފޯރުވާކަން އިޢުލާނުކުރުމުގެ ވިސްނުން ގެންގުޅުއްވާކަން ފާހަގަކުރައްވާފައެވެ.
ފަލަސްޠީނުގެ ތަރައްޤީއަށް އޮތް ހަމައެކަނި ޙައްލެއްގެ ގޮތުގައި 1967 ވަނަ އަހަރުގެ ކުރިން އިރުމަތީ ގުދުސް ހިމެނޭ ބޯޑަރުތަކުގެ މައްޗަށް ބިނާކޮށް ފަލަސްޠީނުގެ މިނިވަން އަދި އިސްތިޤްލާލީ ދައުލަތެއް ޤާއިމުކުރުމަށް ރާއްޖެއިން ތާއީދުކުރާކަން ދިވެހިރާއްޖެއިން ވަނީ ކަށަވަރުކޮށްދީފައެވެ.
މެމްބަރު 57 ގައުމެއް ހިމެނޭ އޯއައިސީއަކީ ފަލަސްތީނުގެ ރައްޔިތުންގެ ހައްގުތަކަށް އަބަދުވެސް ވަކާލާތުކޮށް، ޒަމާނުއްސުރެ އުފެދިފައިވާ މައްސަލައަށް ދެ ދައުލަތެއްގެ ހައްލެކެވެ. 1976 ވަނަ އަހަރު އޯއައިސީގެ މެމްބަރު ގައުމަކަށް ރާއްޖެ ވީ ފަހުން އެ ޖަމިއްޔާގެ އެކްޓިވް މެމްބަރެކެވެ.
