ޕިކަޕެއްގެ ތެރޭގައި އާންމު އިޖުތިމާއީ މިންގަނޑާ ހިލާފު ވައްތަރުތަކެއް ޖެއްސި މީހަކު ހޯދަން ފަށައިފި އެވެ.
ފުލުހުން ބުނީ މާލޭ މަގުމަތީގައި ޕިކަޕެއްގެ ތެރޭގައި ފިރިހެނަކު އާންމު އިޖުތިމާއީ މިންގަނޑާ ހިލާފު ވައްތަރުތަކެއް ޖެއްސި މައްސަލަ ފުލުހުން ދަނީ ތަހުގީގު ކުރަމުން ކަމަށާއި އެ މީހާ ދެނެގަތުމުގެ މަސައްކަތް ވެސް ފުލުހުން ދަނީ ކުރަމުން ކަމަށެވެ.
ޕިކަޕެއްގެ ތެރޭގައި މީހަކު އާންމު އިޖުތިމާއީ މިންގަނޑާ ހިލާފު ވައްތަރުތަކެއް ޖައްސާ މަންޒަރު ފެންނަ ވީޑީއޯއެއްވެސް ސޯޝަލްމީޑިއާގައި ވަނީ އާންމުވެފަ އެވެ.
ފުލުހުން އިތުރަށް ބުނީ އެ މީހާއާ ގުޅޭ އެއްވެސް މައުލޫމާތެއް ލިބިފައިވާ ފަރާތެއްވާނަމަ ހެންވޭރު ޕޮލިސް އިންވެސްޓިގޭޝަންގެ ނަންބަރު 9400053 އަށް ގުޅާ ހިއްސާކުރަން އެދޭ ކަމަށެވެ.
