ލުބުނާނުގެ ދެކުނުގެ ބައެއް އަވަށްތަކަށް އިޒްރޭލު ސިފައިން މިއަދު ހަމަލާދީފި އެވެ.
މި ހަމަލާތައް އަމާޒުކޮށްފައި ލުބުނާނުގެ ވަނީ ތައިރް ހަރްފާ، އަލްޖަބީން، އަލްމާ އަލް ޝާބް، އަލްދަހިރާ އަދި މަޖުދާލް ޒޫން އަވަށަށެވެ.
ބްލޫ ލައިންއާ ގުޅިފައިވާ ބޯޑަރު ވިލެޖްތަކުގެ މަތިން ރޭގަނޑުގެ ވަގުތުތަކުގައި އަލިފާން ބޮން ގޮއްވަމުން ދަނިކޮށް، ހުޅަނގުގެ ލަބޫނޭހް އާއި އަލް އައްލާމް ފަރުބަދަތަކަށް ވެސް އަސްކަރިއްޔާއިން ވަނީ ބަޑީގެ ހަމަލާތަކެއް ދީފަ އެވެ.
އިޒްރޭލުގެ ހަނގުރާމަމަތީ މަތިންދާބޯޓުތަކުން ވަނީ އިކްލީމް އަލް ތުއްފާހް ސަރަހައްދުގައި ހުންނަ ޖަބަލް ސާފީގެ އުސް ހިސާބުތަކަށް ރޭގަނޑުގެ ފަހުން ގިނަ ހަމަލާތަކެއް ދޭން ފަށައިފަ އެވެ.
