މިހާރު ރާއްޖެއަށް ކުރަމުންދާ ވިއްސާރާގައި ފުވައްމުލަކުގެ 15 ގެއަކަށް ފެން ވަދެ، ހިފާ ގެންގުޅޭ ސަމާނަށް ގެއްލުންވެއްޖެ އެވެ.
ނޭޝަނަލް ޑިޒާސްޓާ މެނޭޖްމެންޓް އޮތޯރިޓީ (އެންޑީއެމްއޭ)ން ބުނީ ފުވައްމުލަކަށް ބޯކޮށް ވާރޭވެހުމުގެ ސަބަބުން، އެ ސިޓީގެ ބައެއް އަވަށްތަކުގެ ގެތަކުގައި ފެން ބޮޑުވެފައިވާ ކަމަށެވެ. ފެން ވަދެ ގެއްލުން ލިބިފައިވާ، ގެތަކުގެ ހާލަތު ވަޒަންކުރަމުންދާ ކަމަށް އެންޑީއެމްއޭން ބުންޏެވެ.
ނަމަވެސް އެއްވެސް ގެއަކުން މީހުން ހުސްކުރަން ޖެހޭފަދަ ހާލަތަކަށް ގޮސްފައި ނުވާ ކަމަށް މައުލޫމާތު ދެއެވެ.
ފުވައްމުލަކުގައި ބޮޑުވި ފެންގަނޑު ހިއްކުމުގެ މަސައްކަތް އެމްއެންޑީއެފް، ފުލުހުން، ސިޓީ ކައުންސިލް އަދި އެ ރަށު ރައްޔިތުން ވަނީ ކޮށްފައެވެ.
