ސެޕްޓެމްބަރު 9, ގައި އޮންނަ ރިޔާސީ އިންތިހާބުގައި ވާދަކުރާ ކެންޑިޑޭޓުންގެ ނަންބަރު ތަރުތީބުކޮށްފިއެވެ.
އިލެކްޝަންސް ކޮމިޝަންގައި މިއަދު ބޭއްވި ރަސްމިއްޔާތުގައި ނަންތައް ތަރުތީބުކޮށް ރަސްމީކޮށް ކެމްޕޭނަށް ހުޅުވާލައިފި އެވެ. ނަންތައް ތަރުތީބު ކުރީ ގުރުއަތު ނަގައިގެންނެވެ.
- އުމަރު ނަސީރު – އަމިއްލަ ގޮތުން
- ހަސަން ޒަމީލް – އަމިއްލަ ގޮތުން
- ރައީސް އިބްރާހީމް މުޙައްމަދު ޞާލިޙު – އެމްޑީޕީ
- ޑރ. މުޙައްމަދު މުއިއްޒު – ޕީއެންސީ
- ޤާސިމް އިބްރާހީމް – ޖުމްހޫރީ ޕާޓީ
- އަހްމަދު ފާރިސް މައުމޫން – އަމިއްލަ ގޮތުން
- އިލްޔާސް ލަބީބް – ދަ ޑިމޮކްރެޓްސް
- މުޙައްމަދު ނާޒިމް – އެމްއެންޕީ
މި ރިޔާސީ އިންތިހާބުގައި ފަސް ސިޔާސީ ޕާޓީތަކުގެ އިތުރުން އަމިއްލަ ގޮތުން ތިން ބޭފުޅަކު ވާދަކުރައްވަ އެވެ.
އިންތިހާބުގައި 280،000 މީހުނަށް ވޯޓު ލުމުގެ ހައްގު ލިބިފައެވެ.
ވޯޓުފޮށި ގެ އަދަދު:-
ޖުމްލަ ވޯޓުފޮށި – 604 ވޯޓުފޮށި
މާލެ ސަރަހައްދުގައި – 187 ވޯޓުފޮށި
އަތޮޅު ތެރޭގައި – 319 ވޯޓުފޮށި
ރިސޯޓުތަކުގައި 78 ފޮށި
ރާއްޖެއިން ބޭރުގައި 13 ފޮށި
ޖަލުތަކާއި ސިނާއި ރަށްރަށުގައި 6 ފޮށި
ރިޔާސީ އިންތިހާބަށް ކެމްޕޭން ކުރުމަށް މިއަދުން ފެށިގެން ކެންޑިޑޭޓުންނަށް އެއްމަސް ދުވަހުގެ މުއްދަތެއް ލިބެއެވެ.
