ޒަކާތު ފަންޑުން ގާޒާގެ ރައްޔިތުންނަށް ކާބޯތަކެތީގެ އެހީތެރިކަން ފޯރުކޮށްދިނުމަށް މަސައްކަތް ކުރަމުންދާ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު އެކްސްގައި ކުރެއްވި ޕޯސްޓެއްގައި ވިދާޅުވީ، ރައީސް ޑރ. މުހައްމަދު މުއިއްޒުގެ އިރުޝާދުގެ ދަށުން ރާއްޖޭގެ ޒަކާތު ފަންޑުން ގައްޒާއަށް ކާބޯތަކެތީގެ އެހީތެރިކަން ފޯރުކޮށްދިނުމަށް މަސައްކަތް ކުރަމުންދާ ކަމަށެވެ.
ނިމިދިޔަ ރައީސް އިބްރާހިމް މުހައްމަދު ސޯލިހްގެ ސަރުކާރުން ވަނީ ގާޒާގެ ރައްޔިތުންނަށް 2 މިލިއަން މަސްދަޅު ފޮނުވަން ނިންމައިފައެވެ.
އިޒްރޭލް-ފަލަސްތީނު މައްސަލާގައި ދިވެހި ދައުލަތުގެ އަބަދުވެސް ސްޓޭންޑަކީ އިޒްރޭލުން ހިންގާ ގަތުލުއާންމާ ދެކޮޅަށް ތިބުމެވެ. އަދި ފަލަސްތީނަކީ މިނިވަން ދައުލަތެއްގެ ގޮތުގައި ބަލައިގަނެ، 1967 ގައި، އދ. އިން ކަނޑައެޅި ގޮތަށް ފަލަސްތީނަށް އެ ދައުލަތުގެ ބިންތައް އެ ގޮތުގައި ލިބުމަށް ވަކާލާތު ކުރުމަށެވެ.
އިޒްރޭލުން މެދުކެނޑުމެއް ނެތި ގާޒާއަށް ހަމަލާ ދެމުން އަންނަތާ ގާތްގަނޑަކަށް 6 މަސް ދުވަސް ވެފައިވާއިރު ގާތްވެފައިވީ އަދިވެސް އިޒްރޭލުން ދަނީ ހަމަލާތައް ހުއްޓާލުމަށް ދެކޮޅު ހަދަމުންނެވެ. އިޒްރޭލުގެ ހަމަލާތަކުގައި ޝަހީދުވި މީހުންގެ އަދަދު 32،000 އަށް ވުރެ މައްޗަށް ގޮސްފައި ވާއިރު ޒަހަމް ކޮށްލި މީހުންގެ އަދަދު ވަނީ 72،000 އަށްވުރެ މަތިވެފައެވެ.
