ރޭ ދަންވަރު ވިލިމާލޭ ބާބެކިއު ސަރަހައްދާއި ދިމާލުން މޫދަށް ގެނބެމުން ދިޔަ އަންހެނަކު ސަލާމަތްކޮށްފައިވާކަމަށް ފުލުހުން ބުނެފި އެވެ.
ފުލުހުން ބުނިގޮތުގައި އެ ފަރާތަށް ކުރި ރިޕޯޓަކާއި ގުޅިގެން، ރޭ 00:30 ހާއިރު ގެނބެމުންދަނިކޮށް ފުލުހުންގެ އެހީތެރިކަމާއެކު ސަލާމަތް ކޮށްފައިވަނީ 32 އަހަރުގެ އަންހެނެކެވެ.
އެ އަންހެން މީހާއަށް ވިލިމާލެ ހޮސްޕިޓަލް އަދި އައިޖީއެމްއެޗުން ފަރުވާދިނުމަށްފަހު މިހާރު ދޫކޮށްލާފައިވާކަމަށް ފުލުހުން ވަނީ ބުނެފަ އެވެ.
މި ހާދިސާގައި އަންހެން މީހާ ސަލާމަތްކުރަން އުޅުނު ފުލުހަށްވެސް ލޮނުބޮވި ވިލިމާލެ ހޮސްޕިޓަލްގައި ވަނީ ފަރުވާ ދީފަ އެވެ.
މި މައްސަލަ މިހާރު ފުލުހުން ދަނީ އިތުރަށް ތަހްގީގް ކުރަމުންނެވެ.
