ފުވައްމުލަކުގައި ރޭ ހިނގި މާރާމާރީއެއްގައި 18 އަހަރުގެ ޒުވާނަކަށް ލިބުނު އަނިޔާވެއްޖެ އެވެ.
މި މައްސަލައާ ގުޅޭގޮތުން މޯލްޑިވްސް ޕޮލިސް ސަރވިސްއިން މަޢުލޫމާތު ދެމުން ބުނެފައިވަނީ، މި ހާދިސާ ހިނގާފައިވަނީ ރޭގަނޑު 8:54 ހާއިރު ކަމަށެވެ.
އަނިޔާ ލިބުނު ޒުވާނާގެ ހަށިގަނޑުގައި ހުރި އަނިޔާތަކުގެ ތެރޭގައި ނޭފަތާއި އަނގަމަތި ފަޅައިގެން ގޮސްފައިވުމާއި، ކަނާތު ފަރާތު ކޯމަތި ދުޅަވެފައިވުމާއެކު، އެހެނިހެން ކުދިކުދި އަނިޔާތައް ހިމެނެއެވެ.
މި ޒުވާނާ މިހާރު ވަނީ އިތުރު ފަރުވާއަށް އައްޑޫ ސިޓީއަށް ފޮނުވާލާފާއެވެ.
މި ހާދިސާގެ ތަހުގީގު ކުރަމުންދާ ކަމަށާއި، ނަމަވެސް މިވަގުތާ ހަމައަށް އެއްވެސް މީހަކު ހައްޔަރުކޮށްފައި ނުވާކަމަށް ފުލުހުން ވަނީ ހާމަކޮށްފައެވެ.
