ރައްޔިތުންގެ މަޖިލީހުގެ ރައީސް ޢަބްދުއްރަޙީމް ޢަބްދުﷲ އިންތިޒާމުކުރެއްވި ޚާއްސަ ތަރާވީޙުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ބައިވެރިވެ ވަޑައިގެންފިއެވެ.
މި ތަރާވީޙަކީ ރައްޔިތުންގެ މަޖިލީހުގެ މެންބަރުންނާއި މަޖިލީހުގެ އިދާރާގެ މުވައްޒަފުންނަށް ޚާއްސަކޮށްގެން ބޭއްވި ތަރާވީޙެކެވެ. މި ތަރާވީޙުގައި ރައީސުލްޖުމްހޫރިއްޔާގެ އިތުރުން ސަރުކާރުގެ ކެބިނެޓް ވަޒީރުންވެސް ބައިވެރިވެ ވަޑައިގެންނެވިއެވެ.
މި ތަރާވީޙު ބާއްވާފައި މިވަނީ އިއްޔެ މަޖިލީހުގެ ރައީސް ނިސްބަތްވެވަޑައިގަންނަވާ ޕީއެންސީ ހިންގުމުން އެ މަނިކުފާނު ދުރުކޮށް އެ މަޤާމު ޕީއެންސީގެ ޕާލިމަންޓްރީ ގްރޫޕުގެ ލީޑަރު އިބްރާހިމް ފަލާހަށް ދެއްވާފައިވާކަމަށް އަޑުފެތުރިފައިވަނިކޮށެވެ.
މި ތަރާވީޙުގައި މަޖިލީހުގެ ރައީސް އާއި ފަލާހުވެސް އެކީގައި ފެނިވަޑައިގެން ގޮސްފައިވެއެވެ.
