ފުވައްމުލައް ސިޓީގައި ސައިކަލަކާއެކު ވެއްޓިފައި އޮއްވާ ރޭ ފެނުނު ކުއްޖާގެ ހާލު ސީރިއަސް ކަމަށް ފުލުހުން ބުނެފި އެވެ.
ފުލުހުން މިއަދު ބުނީ އެ އެކްސިޑެންޓްގައި އަނިޔާވެ، ހާލު ސީރިއަސް ވެފައިވަނީ، 14 އަހަރުގެ ފިރިހެން ކުއްޖެއްގެ ކަމަށެވެ.
އެ ސިޓީގައި ސައިކަލަކާއެކު ވެއްޓިފައި އޮތް ކުއްޖާ ފެނުނީ ރޭ ދަންވަރު 3:40 ހާއިރު ފުލުހުން ޕެޓްރޯލް ކުރަމުން ދަނިކޮށެވެ. އެ ކުއްޖާ ފެނިފައިވަނީ އެރަށުގެ މާލެގަން ބަހާރު މަގާއި ގާޒީ މަގު ގުޅޭ ހިސާބުން ކަމަށް ފުލުހުން ބުންޏެވެ.
އެ ކުއްޖާގެ ހާލު ސީރިއަސް ކަމަށް ފުވައްމުލައް ހޮސްޕިޓަލުން މައުލޫމާތު ދީފައިވާ ކަމަށް ފުލުހުން ވަނީ ބުނެފަ އެވެ.
ފުލުހުން ދަނީ މި މައްސަލަ ތަހުގީގު ކުރަމުންނެވެ.
