މީގެ އިތުރުން، ސިފައިންގެ އާއިލާތައް ދިރިއުޅޭ ސަރަހައްދުގައި ދާއިމީކޮށް ޚިދުމަތްކުރެވޭނެ މަގު ތަނަވަސްކޮށްދެއްވުމަށާއި، ޒުވާނުން ސިފައިންގެ ޚިދުމަތަށް ނެރުމަށް ބަޖެޓު ހަމަޖައްސަވައިދެއްވާފައިވާކަން ވެސް އެމަނިކުފާނު ފާހަގަކުރެއްވިއެވެ. މިއީ ސިފައިންގެ ލާބައާއި މަންފާއަށްޓަކައި ސަރުކާރުން ކުރަމުންދާ މަސައްކަތްތަކުގެ ތެރެއިން ހިމެނޭ ކަންކަމެވެ.
"އެހެންވީމާ ސިފައިންގެ ރިޓަޔަމަންޓް ގަވައިދު، މި ދެންނެވި ގޮތަށް، ޚިދުމަތްކުރި އަހަރުގެ ނިސްބަތުން އެ ލިބޭ ބެނެފިޓް ކަނޑައަޅާ ގޮތަށް އިރާދަކުރެއްވިއްޔާ ގަވައިދު އިސްލާޙުކުރަން ވެސް ގަސްދުކުރަން،" ރައީސް ވިދާޅުވިއެވެ.
ރައީސުލްޖުމްހޫރިއްޔާ އިތުރަށް ވިދާޅުވީ، ވަކި ރޭންކެއްގައި ގިނަ ދުވަހު ހުރުމުން ވަޒީފާއިން ވަކިވާންޖެހޭ އުސޫލު ވެސް ބަދަލުކުރައްވާނެ ކަމަށެވެ. މި ބަދަލާއެކު، ގިނަ ދުވަހު ޚިދުމަތުގައި ދެމިތިބެން ބޭނުންވާ ފަރާތްތަކަށް އެ ފުރުސަތު ފަހިވެގެންދާނެއެވެ..
