ހުޅުމާލޭގައި ބާރު ސްޕީޑެއްގައި ދުއްވި ކާރެއް ފޮރުޅާލައިފިއެވެ.
އެނގިފައިވާ ގޮތުގައި މިހާދިސާ ހިނގާފައިވަނީ މިއަދު ފަތިހު 5:35 ހާއިރު ހުޅުމާލޭގައި ކާރު ބާރު ސްޕީޑްގައި ދުއްވާފައި ދަނިކޮށް ކޮންޓްރޯލުން ނެއްޓިގެންނެވެ.
މި ހާދިސާގައި ކާރުގެ ފަހަތުގައި އިން އަންހެނަކަށް ކުދިކުދި އަނިޔާވެ ހުޅުމާލޭ ހޮސްޕިޓަލުގައި ފަރުވާދީފައިވާކަމަށް ފުލުހުން ވަނީ ބުނެފައެވެ. . އެނގިފައިވާ ގޮތުގައި ފޮރުޅާލާފައިވަނީ ކަޅު ކުލައިގެ ކާރެކެވެ.
މިހާދިސާ ހިނގި ވަގުތުގައި ކާރުގައި 5 މީހަކި ތިބި ކަމުގެ މައުލޫމާތު ލިބިފައިވާއިރު، ހާދިސާ ހިނގީ ސެންޓްރަލް ޕާކް ކައިރިން ކަމަށް މައުލޫމާތު ލިބެއެވެ.
ފުލުހުން ވަނީ ކާރު ދުއްވަން އިން މީހާގެ ލައިސެންސް ހިފަހައްޓާ މައްސަލަ އިތުރަށް ބަލަމުން އަންނަކަމަށް ބުނެފައެވެ.
