ރާއްޖޭގައި މިވަގުތު ހުރި އެންމެ ދުވަސްވީ ކަމަށް ބެލެވޭ މީހާ 110 އަހަރުގައި ނިޔާވެއްޖެ އެވެ.
އައްޑޫ ހިތަދު އަށް ނިސްބަތްވާ އަލީ ހުސައިން ނިޔާވީ މިއަދު ފަތިހުގެ ވަގުތެއްގަ އެވެ.
ނިޔާވި އިރުވެސް އަލީ ހުސައިން އުޅުނީ ބަލިކޮށް ކަމަށްވީ ނަމަވެސް އޭނާގެ އުމުރަށް ބަލާއިރު އޭނާ އުޅުނީ އެހާ ބަލިކޮށް ނޫން ކަމަށް ބައެއް މީހުން ބުނެފައިވެ އެވެ.
ހުސައިންގެ އުފަން ތާރީޚަކީ މެއި 14، 1913އެވެ. އޭނާގެ ހާލު މަރު ދުވަހާ ޖެހެންދެން ވެސް ރަނގަޅެވެ. މާ ބޮޑު ބަލިމަޑުކަމަކާ ކުރިމައްޗެއް ނުވެއެވެ. ހުސައިން ނިޔާވެފައިވާކަން އެނގުނީ މިއަދު ހެނދުނު ޚަބަރެއް ނުވެގެން ބެލުމުންނެވެ.
ހުސައިން ނިޔާވިއިރު އޭނާގެ އަންތްބަކު ދުނިޔޭގައި އެބަހުއްޓެވެ. އަދި ނުވަ ކުދީން އޭނާއަށް ލިބުނެވެ. އަދި 59 ކާފަ ދަރީން ތިބި އިރު 80 މުނިކާފަ ދަރީން އެބަ ތިއްބެވެ.
