26 ޖަނަވަރީ 2026: އިންޑިއާގެ 77 ވަނަ ޖުމްހޫރީ ދުވަހުގެ މުނާސަބަތުގައި މާލޭގައި ހުންނަ އިންޑިއާ ހައިކޮމިޝަނުން ވަނީ ރަސްމީ ހަފްލާއެއް ބާއްވާފައެވެ. ސޯޝަލް ސެންޓަރުގަިއ ބޭއްވި މި ހަފްލާގެ ޝަރަފުވެރި މެހުމާނެއްގެ ގޮތުގައި ބައިވެރިވެވަޑައިގެންފައިވަނީ ފޮރިން މިނިސްޓަރ އަބްދުއްﷲ ޚަލީލެވެ. މީގެއިތުރުން މި ހަފްލާގައި ރާއްޖޭގެ ކުރީގެ ދެ ރައީސުން ކަމަށްވާ މުހައްމަދު ނަޝީދު އާއި އިބްރާހިމް މުހައްމަދު ސާލިހު އާއި ޑިފެންސް މިނިސްޓަރ މުހައްމަދު ޣައްސާން މައުމޫން، ހައުސިން މިނިސްޓަރ ޑރ. އަބްދުﷲ މުއްތަލިބު އަދި އިންޑިއާއިން ރާއްޖެއަށް ކަނޑައަޅުއްވާފައިވާ ސަފީރު ޝްރީ ޖީ. ބަލަސްބްރަމާނިއަން ވެސް ބައިވެރިވެވަޑައިގެންނެވިއެވެ.
ފޮޓޯ: އިންޑިއާ ހައިކޮމިޝަން
